一早九點就起左身, 同媽咪食完早餐之後就去左紅磡黃埔間冒險個生日派對, 雖然係有大抽獎, 不過~ 好明顯我地又係抽唔到啦… 陪媽咪玩到 1:45 我就走lu~ 因為約左老師同佢d朋友去碌lane嘛.. 我地約左 2:15 o係天后地鐵站架….
但係。。。 一個方向白痴既我…… 完全唔知道應該搭咩野車去天后地鐵站囉… 我都知道應該有過海既車好快會到既.. 不過~ 因為唔識路既關係…. 所以一心就只係諗住o係黃埔搭車出尖沙咀再轉地鐵… 點知我搵左成三個字先搵到車出尖沙咀… 但係就發覺架車要成三個字先到呀… 咁就死火啦… 我咪要遲大到….. 所以唔對路之下就打比老師問下應該搭咩野車喇….. 佢既朋友仔就教我去紅磡碼頭搭去北角既船… 咁我即刻衝上的士去碼頭啦…. o個個的士司機就唔係好高興囉…. 因為個碼頭原來係咁近架咋~ 一落車就已經見到去北角既船個入口lu~ 我覺得好新奇呀… 事關我都好似冇搭過呢隻船~ 今次仲要係自己一個人搭喎.. 搭呢隻船係到左北角先比錢架… 好得意囉.. 如果冇記錯既話… 好似都係五蚊雞咋.. 開船之後唔洗五分鐘就到lu~ 好快呀~!
上岸就見到老師同佢既朋友喇…. 之後再行下又多一班老師既朋友….. 我地加埋有成十個人呀~! 搭的士去左大球場隔離既警官俱樂部裡面碌lane… 因為老師個朋友既爸爸係member…. 所以就可以入去玩囉… 呢個地方唔係個個都可以去架…. 今次真係大開眼界… 雖然都冇咩野非常特別…. 不過~ 都算係去過一個新地方咁啦.. 等條lane既時間我地就o係裡面食野… 等到成 4:30先有lane玩… 所以老師亦都放棄左五點既普通話班… 老師貪玩逃學呀~! ^_^ 不過~ 好多人都係玩到咁上下中途就走左… 而我地就玩到 6:30 就玩完~ 咁佢d朋友仔之後都各自各走晒lu~
跟住就同老師去左搵佢個學完普通話既朋友~ 同埋朋友個朋友~ 仲有朋友個朋友個朋友~ 五個人去左Times Square頂樓既shooter 52 飲野…
原本老師同朋友話睇八點幾場既戲.. 新紮師妹2呀~~ 不過~ 我唔係好想睇囉…… 唔係因為唔中意呢套戲…. 而係….. 我好似已經約左另一個人睇咁… 但係其實又好似冇約架喎… 有d無奈~ 始終覺得如果我今日睇左… 之後兩日如果o個個好似約左既人叫我去睇… 咁就唔係咁好囉~ 會有種小左d野既感覺…
不過~ 最終掙扎左一輪之後… 都係覺得『是但啦… 睇左先算…. 橫掂同佢都冇約定既… 而家唔睇, 可能就要等出碟先睇架喇』 行到樓下間UA戲院發覺套戲已經開左場十分鐘喇… 我既心裡即刻有一點高興… 原因都係一樣啦~ 但係佢兩個都好似仲好想入去睇咁… 我咪即刻話最好睇既係開頭同最尾… 睇唔到唔係咁好喎… 點知佢地就即刻話去第二間度睇下…. 行去隔離過d就即刻有間唔知咩戲院… 不過係要到九點幾先有得睇… 所以佢地都放棄左… 話聽日先睇lu~ 之後行下街啦~ 一入左去espirt….. 就行左成個幾鐘… 不停咁攞野比老師試… 佢試左好多衫… 不過~ 想買既都係一件.. 仲要最終係冇新貨…. 要佢留低電話~ 相反我就只係試左條牛仔裙… 兜完成間之後都係覺得要買左佢… 最可惜既又係冇新貨呀~! 不過~ 因為太中意喇~ 所以check過冇咩野都係照買… ^_^
跟住就各自番屋企… 佢兩個去左搭地鐵.. 而我就去左搭巴士lu~
雖然今日都係由朝玩到晚… 番到屋企都差唔多成十一點~
不過~ 出左成日街都唔覺係好開心喎…… 有d唔知點咁…
凡事有對比就會有好大既分別~ 有d野始終都係唔同既……
文章定位：
