24h購物| | PChome| 登入
2003-07-11 01:06:44| 人氣44| 回應0 | 上一篇 | 下一篇

2003/07/05

推薦 0 收藏 0 轉貼0 訂閱站台

今日一朝早就已經o係屋企暈左…. 原因係咩野就唔係好方便o係度講喇~ 始終都係一個好特別而又好得意既原因囉~

好朋友今日朝早同下奏同我講過既電話都冇咩野… 好似平時咁一樣大家傾計, 有講有笑, 好開心添…

可惜到左近五點既o個個電話, 只有一把喊緊既聲音, 我真係唔知點算好… 只係覺得好驚囉~ 之後佢話佢打左比佢既男朋友… 而最終既答案就係大家做番朋友囉~ 其實~ 我真係覺得好朋友好慘架… 因為一切既野都唔o係佢控制既範圍之內, 佢就只可以等… 之前都已經等左個幾兩個月… 而家都係佢打比個男仔先… 而個男仔就只有一句話, 完全唔聽佢講野, 咁就決定晒一切……

我唔識得點樣去安慰人地~ 不過~ 佢問我佢番左黎香港係唔係一個錯既決定… 我就覺得唔係囉~ 其實就真係好睇兩個人點諗… 有d情侶就算分開左好耐都可以依然一齊… 結婚生仔~ 所以~ 又點可以話你做錯左呢?

有時d野已經做左就真係唔可以再後悔, 因為後悔就只會令自己更加難受…

每樣野都真係有第二個方法去諗… 兩條路比你行, 目的地, 需要既時間都係一樣, 點解要行一條歪歪斜斜, 行雷落雨, 蛇蟲鼠蟻既路, 而唔去行一條路面平滑, 陽光普照, 花花草草既路呢?

我自己其實都唔係一個會識得行呢條路既人… 不過~ 我會開始依住呢個方向去行我黎緊要行既路囉~!

在此希望好朋友快d可以諗通… 唔好成日都比佢困住… 世界上唔只得佢一個… 佢其實就只係你人生裡面既其中一個回憶… 仲有大把等緊你呀~

舊既唔去, 新既又點會黎呢?! 係咪?!

我要檢舉
台長： 開心寶寶 ☆_☆

您可能對以下文章有興趣

人氣(44) | 回應(0)| 推薦 (0)| 收藏 (0)| 轉寄
全站分類: 社會萬象(時事、政論、公益、八卦、社會、宗教、超自然)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文