~開心寶寶之家~ ~~ 凡事唔好咁執著 ~~ ~~ 做人都會開心D ~~

328愛的鼓勵 0訂閱站台

裙褂
媽咪一早已經講左要我著頭褂,
所以有一日就出左去上海街度睇...
睇左一間叫錦發, 一試就覺得唔錯..
即時落訂..
塊布原來都要造成半年以上架..
黎緊度身之後就會剪布造衫嘞..

九月度身睇下有冇咩更新啦...

11/12 更新
嘩... 上幾個星期去左度身... 
睇過褂片... 原來係咁架... 我最初都唔知咩係褂片....
仲要無映相添.... 哎呀!!! >.<
  
  

婚紗禮服
我其實都無真真正正咁睇過D新娘衫鋪頭,
都係朋友介紹我去一間叫溫馨既睇下...
點知一睇就落左訂LU...

佢果度好多好多衫... 同埋D婚紗都幾靚...
真係唔怕簡唔到衫囉...
咁個價錢都算平... 所以無乜所謂既我亦都唔想再睇其他喇..
咪決定左囉...

九月簡衫之後再更新先~

11/12 更新
都係簡果幾隻色既衫...
婚紗, 黃色迎賓, 紅色敬酒, 桃紅色送客,
始終都係中意果隻STYLE, 所以呢幾件衫都幾似樣.. 哈哈, 都係靚囉!!

Girdle
呢樣野真係有平有貴呀...
我去左金都隔離個商場 (以為係金都),
見到有間叫私人空間既店鋪,
就入左去試Girdle啦.. (因為pre-wedding都需要用)
佢話平既無我碼.. 只係得D貴既..
咁我一入去睇既時候都係覺得貴既靚D..
試左個無縫... 真係一試就愛上...
好貼.. 感覺良好...
之後又因為要買夠指定金額先可以做會員既折扣優惠,
所以我又買左個貴既修肚褲...
買下買下又千幾蚊.... 嘩... 貴 >.<