~開心寶寶之家~ ~~ 凡事唔好咁執著 ~~ ~~ 做人都會開心D ~~

328愛的鼓勵 0訂閱站台

 又黎到一樣完全唔識既項目。。
我不嬲都有留意一個化妝師既作品 (May Chong), 都覺得唔錯架..
所以就即刻問價啦... 都唔知道原來要咁貴.. 仲要衰到落訂試妝後要等成半年之後先可以試..
嘩... 雖然我都唔打算搵幾間去試妝, 因為試妝每次都幾百, 好貴呀..
不過~ 我都唔係一定OK呢個化妝師架嘛..
所以就搵下先啦...
乾媽媽咁岩讀緊個化妝course, 所以都比左d資料我..
我有興趣果個已經比人地book左喇...
嘩... 早成一年兩個月book都唔算早?!? 唔係卦...
咁就搵過另一個啦.. (Yvonne @ anna creation)
點知.. 都係天意.. 約左試妝果日佢就話公司無電, 要再約... (呢個唔洗比訂先)
咁我同一時間又見另一個化妝師有時間比我試喎.. (Ada Yip)
所以就想試下啦.. 因為見網上面成日都有人比較佢同May Chong...
約左平日.. 乾媽媽, 媽咪同埋我七點左右就到左中環...
一試之下.. 就試到成十一點.... 嘩. 好長時間呢...
咁我又唔識睇咩叫好咩叫唔好..
只係乾媽媽同媽咪都話靚呀..靚呀..
咁我又認為佢雖然係貴..
但網上面既人都話佢係好.. 都唔會差得去邊啦..
所以就落訂啦.... Yeah!! ^_^