~開心寶寶之家~ ~~ 凡事唔好咁執著 ~~ ~~ 做人都會開心D ~~

328愛的鼓勵 0訂閱站台

去左食鐵板燒...賀人地生日....
都係o係Openrice度睇下有咩好介紹~
見到呢間多人食..又有d野睇下所以就簡左黎試下喇...
感覺唔錯呀! 好開心呀....

一去到已經有小食招呼我地喇..
d小食都幾好味架...

我地叫左set, 加錢upgrade左做厚和牛 (好似加 $208),
之後另外散叫左一份薄和牛 (好似$178)
d侍應生話upgrade個餐再散叫薄和牛抵d~
因為散叫有4塊, 而set只有3塊...
雖然自己冇計過係唔係岩, 不過~都信佢唔會呃人既...

另外叫左一隻虎蝦 (好似$108)
虎蝦就好似唔係好抵食.. 因為一人一啖就冇晒lu~

仲叫左一隻聖子 (好似$68)
聖子就幾好味...好鮮甜

豆沙餅好好味... 個餅皮脆脆地..好正架!!

我地叫左一杯野飲... 點知一d味都冇...
我地都冇飲.. 另外又再叫一杯...
點知師傅姐姐都發現左我地冇飲過o個杯野飲...
我地再叫o個杯就冇收我地錢...
仲好好service咁問我們再黎o個杯岩唔岩味添!

中途我地又可以入去裡面同佢整左既公仔飯映相..
另外仲可以玩接蛋添... (可惜我地失敗左~)

到最後仲有師傅表演魔術睇添....


食一餐飯...
有火睇.... (燒龍蝦同埋和牛)
有公仔樣映...
有生日快樂字句...
有古古力蛋糕...
有新鮮豆沙餅...
有得玩接蛋...
有魔術睇...
又有心思....
夠晒特別啦...

貴都覺得物有所值!

下次再有什麼喜慶日子都可以再食一次呀!! ^_^

p.s. 以上的簡介仲成為左我第一次o係Openrice寫食評既文章添...
可以永久保存呀!! 哈哈哈!!