~開心寶寶之家~ ~~ 凡事唔好咁執著 ~~ ~~ 做人都會開心D ~~

328愛的鼓勵 0訂閱站台

睇番上一篇新聞...
就要回應番我買左個新枕頭之後...
終於都訓番好覺喇...
仲搞到自己成日都好似訓唔醒咁添... 哈哈哈~ ^_^

近日只係忙於幫騰騰搬屋...
大屋搬細屋... 可惜又要買過晒D野...
床啦... 衣柜啦... 柜筒啦....
唉... 好多野執..... 好多野搬......
都唔知道係我搬屋定佢搬屋...
我咁講唔係因為我有好多野o係佢屋企...
只係因為我又係唔忍得手要D野整整齊齊...
唉... 攞苦黎辛..... 
執完o個日真係支力到顛左...... >.<

之前換左既戲飛終於等到最後一日用左喇...
去左睇『撲克王』, 港產片都做成兩個鐘.. 真係誇張!!
有少少拖得太長囉..
不過~ 可能因為古天樂搞笑.. 所以都覺得唔係好差既... ^_^

呢排公司唔多野做.... 成個人都散散地....
加上仲有年假... 成日都半日半日咁放...
放到個人更加散..... 而家仲有兩個半日咋... (即係1日)
係唔係應該好好珍惜呢~!!?
不過~ 成日又怕唔放晒之後忙就唔洗放架喇...^_^

P.S. 今個星期一突然急降至 16 度.... 低左B... 不過~ 而家又暖番dd lu~