~開心寶寶之家~ ~~ 凡事唔好咁執著 ~~ ~~ 做人都會開心D ~~

328愛的鼓勵 0訂閱站台

第一次同騰騰搭飛機去旅行...
一齊了十年先有呢一個第一次.... 真係慚愧~

7/25 晨早六點就起身做埋公司d野先...
之後七點三就上的士出發...
o係機場食左個早餐, 上飛機又再食飛機餐... 飽!
o係機場撞到九龍中學既同學,
不過見佢好似唔係好認得自己就冇叫佢了...
好搞笑地上飛機又比我撞到屯門中學既同學...
呢個就有打招呼了...  一齊o係同一班機去上海... 真係有冇咁岩呀~
(番黎睇番facebook就發現原來佢都係
7/26去杭州, 7/27o係上海行既地方同我一樣, 不過我地o係上海就冇再撞見了!)
騰騰親戚o係機場接我地就直接去左佢地屋企,
傾下計之後就出發去造衫了!
我都忍唔住手造左一件....
跟住就去蘇浙匯食飯... 十分飽....
再行下新天地.... 同騰騰堂細佬去左間樓上BAR飲野,
跟住就番酒店了!


7/26 都係晨早 7:00 起身食早餐,
再開車出發去杭州...
樓外樓食中午飯...
再坐船遊西湖... 好舒服架....
上左雷㗖塔.... 好靚, 好涼爽!!
去埋個鯉魚池, 之後就離開西湖,
騰騰同佢老豆就去左睇波,
我同佢亞媽就去左浴足...
家庭式... 好平又唔洗比小費... 打發時間一流..
十點幾開車番上海... 回到酒店都已經成點鐘喇...

7/27 食左南翔灌湯飽, 再去食鼎泰豐...
好好味...亦都係十級飽!!
之後去左買手信, 再去試衫就去機場番香港喇...

戰利品包括:
食物多包, 手鐲兩隻, 頸鏈一條, 手袋一個, 衫一件  (好後悔冇買多D手鐲呀!!!)

成個旅程只係用左千二蚊, 好抵呀! (買左六百蚊野, 三百六機場稅, 一百蚊保險)
因為機票係 MILES 換番黎, 而酒店係騰騰屋企人比我地住,
如果唔係我地都可以住o係佢親戚屋企囉...
成個TRIP都唔洗點用錢...
所以下次可以再考慮一下去呢個地方旅行...
因為好多觀光既地方都未有時間行呀!!!