~開心寶寶之家~ ~~ 凡事唔好咁執著 ~~ ~~ 做人都會開心D ~~

328愛的鼓勵 0訂閱站台

星期日夜晚專登番左去荷里活抽獎,
今年分開左兩次抽,  1/11 同埋 1/31...
而因為 1/31 我地會去澳門玩,
所以到時都要搵人幫我地對 (機會好大架!)

抽左十幾份獎品都冇我地份,
好多仲要係同我地手上面既抽獎卷d號碼相差好遠..
一心都諗住冇份架喇.. 因為今次亦都好奇怪地比之前多人..
真係好多好多人..... 迫到飛起...
一路抽...一路抽.....
點知突然間有一個號碼同我地手上面o個個相差一個 number...
真係一個 number 之差咋...
正正覺得自己咁唔好彩之制...
終於都抽中喇.... 即時走出去領獎啦...
就覺得好奇怪地成班人開始散開....
我就問d工作人員.. 我中左咩獎呀!? 唔係頭獎嘛...?
點知真係.....!!!! OTO 按摩椅一張....!!!!!
不過~  最終佢係比左 100 張面值 $100 既現金卷比我地....
哈哈哈... 都幾開心架... 好過限住我地一定要張按摩椅啦~
但係呢樣禮物就比較難有人買囉...
所以而家都頭痕緊放唔出就要自己買野架喇.....

總結黎講... 抽中左頭獎都值得開心既!! Yeah!! ^_^