~開心寶寶之家~ ~~ 凡事唔好咁執著 ~~ ~~ 做人都會開心D ~~

328愛的鼓勵 0訂閱站台

12/27 星期六又繼續我既年假..
因為家姐有2個朋友會去澳門,
而我地又可以有免費澳門永利酒店住,
淨係買兩張船飛就可以去玩..
當然就唔會放過呢個機會啦...
雖然係四人一間房,
不過~ 永利咁大間房都冇所謂啦....
咁新年就唔洗提早比錢去玩了...^_^

十二點幾去到, 就馬上去酒店,
玩左一陣先有房....完房就去左食豬扖飽, 好味..
跟住繼續食木糠布丁, 仲比我地買左噹噹頭添... ^_^
跟住就去左威尼斯人... 映左好多相...
想映一齊跳高既相, 不過~ 跳左好多次.. 都係失敗左..  =_=""
又玩左一陣, 再上人地住間酒店 (四季酒店) 睇下...
嘩.. 用 L'OCCITANE 架...
我地立刻唔放過機會, 一人走一套先... 呵呵...!
跟住就入路環黑沙海灘食飯 (法蘭度餐廳)...  都幾多人食架...
一路等位, 一路玩 LAST CARD.. 哈哈.. 好開心!!
不過~ 呢間餐廳冇乜特別, 係食燒豬囉...
跟住就去食例牌糖水... 好味..好味!
食飽飽再去永利... 玩到四點就番房咕咕咕LU....

第二日一點起身, 我地四個去左新馬路附近 (今時今日)食野.
都食唔飽既.... 繼續義順食燉奶..... 好味道...
之後家姐佢地就走 LU....
得番我地兩個又繼續o係永利玩...
玩到七點幾就去金莎食鐵板燒燒燒...
玩多左一陣就坐船番香港 LU ...

成個旅程
船飛六百四十蚊,
洗費千四蚊....
我輸左二千二百蚊...
(唯有當係比左酒店錢囉,
因為如果新年兩個人提早玩多一日都唔止呢個價錢啦..^_^)