~開心寶寶之家~ ~~ 凡事唔好咁執著 ~~ ~~ 做人都會開心D ~~

328愛的鼓勵 0訂閱站台

琴日第一次去圓方, 本來係諗住去睇狗狗的十個約定,
點知好多人睇, 下一場要去到七點幾, 就o係好趕急既情況之下,
即刻話睇地深探險記3D版啦, 點知成 $110 一張飛呀!! 都有d肉痛囉.....
唉, 算數... 當試下間戲院.....

之後四圍行睇下有咩野食... 間間食肆都好貴... 或者十分多人....
行下行下去左一間好似超級市場既大鋪 -- 原來叫做 Six Thirty 360 呀!
出面有好多面包, 裡面有D好似 Bar 䒷咁既物體...
有意粉店啦... 三文治店啦... 漢堡飽店啦... 等等....
我地去左食左漢堡飽店...
本來都諗住之後食埋雪糕o個間架... 不過太飽就冇食到lu...

食飽飽四圍行下... 其實都冇咩野行... 因為貴到飛起...
個商場又凍到飛起喎....

地深探險記3D版都真係幾正... 唔怪得好多人都話好睇啦..
成個劇情都好刺激, 3D感覺又好D啦....
雖然張飛係貴左D, 不過~ 都算啦... 唔係爛片!

其實下次都可以考慮再去o個度睇戲, 因為平時d飛都係$60咋..
個位都好舒服... 唔錯架!
加上又可以再去 360 度食野...
不過~ 食野就比正常貴d囉.... ^_^

呢間戲院好特別, 好多已經落左畫兩個幾月既戲佢都仲有得播...
我七月已經睇左既 batman 佢都仲有呀!!
如果下次有咩戲真係好想睇, 其他戲院又落晒畫,
都可以睇下呢一間仲有冇得做囉... ^_^