~開心寶寶之家~ ~~ 凡事唔好咁執著 ~~ ~~ 做人都會開心D ~~

328愛的鼓勵 0訂閱站台

7/19 收工同媽咪食下午茶, 之後向黃埔出發,
上車o個陣失足成個人由車上面撻左落地,
不過~ 我好身手敏捷咁再彈番上車,
成個動作其實都好搞笑...
不過~ pat pat 苐親, 又擦損左隻手, 都幾痛架.. >.<

到左黃埔不停買野食, 由四點買到七點,
之後上人地屋企整菠蘿腸仔, 三文治, 咖喱魚旦..
整到十點鐘... 累透了...

跟住出橫頭磡食街邊好似打冷o個D,
都幾好味喎... 番到屋企十一點幾LU...

雖然係十一點幾, 不過~ 我仍然有所顧慮..
朋友既校服PARTY <----- 我應唔應該去呢....?
都真係想去又唔想去之間...

等到同人傾完電話之後~
就打電話問人~ 因為我最怕要決定一切...
點知, 又冇人聽電話... 唉..
唯有打比當時人問下情況...
問左都有答案既, 不過~ 聽左都冇乜意思,
因為佢講既人我都九年冇見過喇....

等到十二點四個字, 到達了安全時間,
就著鞋出門口... 一落街即刻有的士..
o係的士裡面, 我都不是太安心....
只係諗住出去如果唔對路就早d走人囉...
起碼人地叫左你咁多次呀嘛...
但係~ 又唔知點解會諗到差人查牌等等等等既問題出現咁點呢...
不是太安心地到達了...
企o係門口.... 好大堆人.... 唔識既..
見到有幾個識既.... 企o係度忙緊...
突然有一對眼神似是望到了我, 不過, 望完就轉開了...
心裡即時諗... 『死火囉.... 唔認得~??!?!』
好在兩秒之後眼神又回來, 因為佢一下子就記起我係邊個...
搵個位安置左我o係一䒷唔識既人度..
睇住佢地玩, 玩下玩下就玩埋一份...

好多人著晒校服, 不過~ 都有一堆人冇著既...
玩左一陣就有番一D識我既人見到我喇...
出去映下相之後又番左去玩下....
本來諗住三點走既我... 最後到四點先走...
番到家已經四點半.....
馬上訓.... 累到飛起...

第二日七點比人叫醒起身...
食早餐之後就遊船河...
真係救命... o係車度訓到豬咁..
好在冇人問我琴日係唔係做賊... >.<
食左早餐之後先好左小小咋....

船河o個日天氣好到飛起... 曬到顛左....
不停獱防曬, 都係曬黑左少少....
我又唔落得水, 所以只係o係船上面睇下人地玩,
同埋上左岸睇下人地玩咁囉..
因為今次參加既呢一班朋友都唔係好玩得埋,
所以只係各有各玩... 冇乜特別~
由 10 點玩到 6 點, 每人$370
其實乜都唔玩既我就真係唔太抵, 不過~ 都冇辦法..
怕水既我真係冇可能克服到.... >.<

船河完左就去唱K, 都只得九個人參加~
由六點唱到十點, 回到家真係累到唔識講o個隻...
十一點幾就馬上訓了.....

到今天都仲覺得好累.. 累... 累.... Infinite.....


p.s. 雖然o個日係自己偷走左出去玩...
不過~ 如果再有下一次機會.. 我都係想一齊出去玩囉...