之前(12/14)已經睇左魔幻羅盤 (Golden Compass),
因為亞哥有優先場戲飛 ^_^
呢套戲完全就係下一集既開始,
即係代表套戲未講晒就做完, 有點無奈囉...
12/22 冬至 --- 在家中食飯... 今年冬至熱熱地又晴天,
唔知道新年既時候係唔係會又冬又雨濕濕呢~?
食飽飽之後我就出街, 去左人地屋企打牌...
成十點先出門口 (我都好似未試過咁夜出街...)
最後打到晨早四點幾... 在人地家中借宿一宵...
12/23 星期天 --- 十一點就起身, 入屯門剪頭髮,
之後去旺角買禮物, 夜晚仲睇埋波先番屋企...
訓覺都已經兩點了...
12/24 平安夜 --- 正常地番工, 公司抽獎,
難得抽到一份ok中意既禮物... ^_^
收到部份公司同事既禮物,
皮帶, hand cream, hand cream, yeah! 最中意香噴噴!
仲要公司有得早收工, 五點幾走人,
去睇『投名狀』, 一套我覺得有D感人既戲...
o係戲院撞到好多同事... 都唔知點解~~ *_*
睇完戲都已經十點鐘, 約埋媽咪去食壽司...
食到十一點幾.... 訓覺又已經一點鐘了...
12/25 聖誕節 --- 一早十一點又比人抄醒....
入左荃灣之後又番九龍城飲茶,之後又左人地屋企打牌...
夜晚食大餐... 象拔蚌刺身...龍蝦刺身...拖羅刺身... 長腳蟹...等等...
仲有龍蝦湯, 牛排, 羊排... 嘩.. 非常豐富!
淨係D刺身都成四千幾五千蚊呀!! 傻左..... 不過..好好味....
食飽飽又繼續打牌.... 打到四點呀..... 支力.....
12/26 Boxing Day --- 要番工既紅色假期, 準時收工,
去左九龍城食飯...
人地既屋企人大 Gathering, 真係好多...好多人....
睇見佢地成班人咁開心... 其實都幾難得架....
食飽飽又有下場... 去左尖沙咀睇波...
睇到點幾鐘.... 番到屋企訓覺又已經兩點了....
12/27 平日 --- 番半日... 一陣走! ^_^
文章定位：
人氣(95) | 回應(0)| 推薦 (
0)| 收藏 (
0)|
轉寄
全站分類:
不分類
