~開心寶寶之家~ ~~ 凡事唔好咁執著 ~~ ~~ 做人都會開心D ~~

328愛的鼓勵 0訂閱站台

之前一路都講住既番禺水上樂園, 我今個星期終於都去左玩喇... 哈哈!
本來都以為會夾唔岩時間冇得去架, 點知又冇事喎.. ^_^
星期五一早快快手手做晒D野, 之後~ 五點幾就已經想走...
終於忍唔住喇... 五點四十分離開~ (早走四個字唔洗扣錢既...)
即刻同肥豬會合, 去 APM 搭車上黃崗..
嘩! 第一次去黃崗過關係坐巴士咋... 三十五分鐘就由官塘去到黃崗喇~
原來坐巴士要落車再上車再落車架喎...
(因為我平時都只係坐私家車過, 都唔洗落車既!)
過左關就等埋兩個團友, 七點兩個字就上祈福新村既大巴出發LU~~
o係車度睇下野又訓下, 都係第一次坐夜車上大陸~
到站落車都成九點二, 再去搵埋另個四個團友, 就出去飯飯...
飯既地方冇乜特別~ 之後再去隔離幾間鋪度食糖水.... 燉奶 -- 正!
跟住去超級市場買酒, 買汽水, 買零食, 再搭村巴番去住既地方~~
十二點幾入到屋~~ 其實住既地方一層有四房(其中一個係套房)加兩廳,
大廚房加露台, 總共兩廁所~
有齊所有野, 就連麻雀同麻雀䒷都有埋.... ^_^
番到去就已經有四人開䒷, 其餘四人就打雞,
續番計酒飲... 搞到成四點先訓... ~_~

第二日七點半起身就收e-mail, 其餘既人就八點幾起身,
九點出門口, 去食早餐, 跟住就出發去水上樂園喇...
第一樣就玩左個大喇叭~ 嘩.....
驚到真係成個人好似冇左知覺咁...
之後我都只係去左玩D小朋友野..
不過~ 雖然係小朋友~ 有D都幾高同埋個頭都係會落晒水架...
買左一支水槍玩~ 又坐左上個水泡一路o係個河度漂,
又玩左人造浪... 哈哈哈.. 不停笑笑笑~ 好開心~ ^_^
因為有d風, 唔係好曬, 至少唔會覺得好熱好辛苦先啦...
我地玩到成五點幾 (玩左六個幾七個鐘呀!) ”支力”到飛起!!!
跟住就坐車去上次食過lunch buffet既四海一家....
不過~ 今次食dinner buffet~ 感覺冇上次咁好食...
但係我地都食到超超飽....
食到人地熄晒燈(十點幾)先走, 又再去超級市場....
買酒... 再番屋...
呢一日就利害囉...
個個下奏都已經玩到好支力... 夜晚都仲要繼續...
由玩啤牌, 到麻雀排九, 由飲酒到飲汽水.....
個個都飲到好飽, 又飲到頂住訓唔到覺...
最終都搞到成三點先訓... 哈哈哈~

最後o個日十一點訓醒,check out之後就去左飲茶,
之後就搭車番黃崗... 到黃崗都成四點幾,
佢地再研究去邊度蹨骨...決定晒就出發..
走左去落馬洲o個邊..
因為我唔中意蹨骨,所以我做左個全身磨沙按摩~
嘩.. 全身前前後後都比人按晒呀...
諗諗下都覺得自己幾大膽...
不過~ 個人都真係滑左喎..^_^
我地成班人都搞到成九點半先走..
如果試下去落馬洲過關, 就趕唔切食飯..
(因為落馬洲十點半關門)
所以最後有兩個團友走左先(佢地住紅磡岩路)
我地食埋飯就坐黃崗車番荃灣再轉小巴番屋企..
番到屋企都已經係十二點半喇..
真係玩到盡晒! ^_^

總結 --- 好玩! 仲好玩過上次機動遊戲!
可能因為今次係住別墅~ 一間屋玩唔同 D 啦!
Yeah! ^_^