澳門之旅終於都過左喇.....
星期一上奏番左工..
之後~ 一點即刻走人... 去碼頭坐船...
過關既時候陳豪同廖碧兒排o係我地前面.. 佢兩個都ok靚架....
我地三點半就到左酒店.... 間酒店都算好大....
$1200套票有呢隻房都算超值啦...
join埋Auntie/Uncle 就去永利酒店食 HIGH TEA....
玩左一陣就番酒店~~
男朋友同Uncle去睇波...
我同 Auntie 留o係酒店~
我o係自己房睇下電視直播足球, 又上下網咁..
感覺有D似自己o係美國o個段時間~~
完左場波就出去食飯..
去上次食魚翅o個間.. 不過~ 冇食翅...
之後~ 再去街邊食雲吞面....
跟住再去食糖水...
哈哈哈... 不停食..
食飽飽都已經成點鐘...
我地兩個又走去永利... 玩到成四點先番酒店~~
我中左骰仔機既 17 點, 六十二倍呀!!
(雖然只係買左十蚊) 哈哈哈!! ^_^
訓前check下mail... 都搞到成五點先訓...
七點起身, 落酒店食早餐~~
飽飽就去酒店泳池游水.... 好細個泳池呀~~
都只係游左一陣... 十點番酒店~
其他人訓覺, 我又繼續做野....
一點鐘check out...
放低D野o係碼頭就繼續出發...
又去左食雲吞面... 間鋪頭好古色古香架..
佢地話好出名架喎..
飽飽再去食義順燉奶...
有點似豆腐花... 麻麻地...
之後~ 又去永利玩喇...
玩玩玩.... 玩到六點幾就去食小飛象...
好味道~ 跟住買埋手信就去碼頭搭船番屋企lu~~~
o係架船度訓到成隻豬咁.... 哈哈哈.... ^_^
全程澳門之旅都係由 Auntie/Uncle 比錢..
所以我地就只係比左波飛既錢 -- $1600
好抵玩呀!! 呵呵呵!!
雖然冇乜去過d特別地方~
黎黎去去都係o個幾個位置~
不過~ 冇啦啦平日星期一/二去左玩..
又唔係用左好多錢... 都已經好開心喇... ^_^
p.s. 我入永利賭場都比人查左我兩次身份証呀~ >.<
文章定位：
人氣(96) | 回應(0)| 推薦 (
0)| 收藏 (
0)|
轉寄
全站分類:
不分類
