~開心寶寶之家~ ~~ 凡事唔好咁執著 ~~ ~~ 做人都會開心D ~~

328愛的鼓勵 0訂閱站台

不知不覺間就過左今年既中秋節...
沒什麼特別...
但係冇晒D長假期就有點可惜喇... ^_^

10/6 --- 中秋正日
公司有得早收工, 番屋企做節..
食飽飽就打雞...
應下節食左D月餅...
唔知做咩好眼訓... 未到一點就訓lu...

10/7 --- 追月.. 不過~冇追過月
一早九點幾就醒左.. 諗住睇碟啦..
點知又有人打黎話去BBQ...
執好晒野等左成個幾鐘先出門口...
去左小欖, 發現原來有車真係好方便..
轉幾個彎就到...
以為好似本雜誌所講有車仔玩..可以釣魚..
點知乜都冇開..
只係玩下飛碟.. 玩下踢毽.. 玩下泥沙..
差唔多十二點幾一點開始玩..
玩左一輪都覺得自己黑左...
之後開始 BBQ...
Q 完再玩左陣泥沙...
六點鐘一齊走人...
成班人去左人地屋企沖涼打牌..
夜晚o係屋企食粥... 不過~ 我BBQ完就肚仔痛...
疴左之後先舒服晒...
但係全日都係做一d好熱既野... >.<
突然好忙.. 到十一點幾仲有下場..
又有人叫我地去屯門BBQ..
又有人叫我地出旺角打牌..
因為一早已經Q左.. 所以就去左旺角..
打到成五點... 番屋企覺覺豬...

呢個時候, 就有突發事件 (1)
有怪獸o係床邊既牆上面..
都唔知叫唔叫做蜘蛛既大蜘蛛
個身黑色一點.. 不過~ 腳就長長幼幼咁.
心諗.. 唔係而家三更半夜先搵d咁既野黎搞呀.... >.<
又唔可以叫醒屋企人, 唯有自己頂硬上..
搵張野一拍就拍死佢... 好在拍到.. ^~^
之後用膠袋套住隻手...
攞濕紙巾不停抹抹抹..
之後訓覺...
心裡面覺得仍有其他怪獸o係床上面...
全晚都訓得不安.... >.<

10/8 -- 星期日繼續放假
訓醒都一點...
梳洗後就出街...
有咩特別... 上左人地屋企打雞...
打打下訓著左...
由六點訓到十點...
起身食野... 再番屋企...
好休閒既一天....

呢個時候, 就有突發事件 (2)
有怪獸o係床邊既地下..
唔知道係咩黎... 細細隻... 好多隻腳既...
馬上叫亞哥殺怪獸....
搞掂左... 之後訓覺...
可能下奏訓左四個鐘... 夜晚訓唔著...
訓唔著都唔係問題...
要o係一張可能有其他怪獸既床上面訓唔著...
就係一個極大既問題...
全晚都係訓得不安.... >.<

10/9 -- 要番工喇...
一起身放番幾隻公仔上床..
望到一隻米王色既米奇老鼠公仔上面有D黑色野...

呢個時候, 就有突發事件 (3)
戴眼鏡一睇.........
有怪獸o係公仔上面..
唔知係咩野黎...
黑色既怪獸..... 又係好多隻腳...
好在哥哥未出門口....
即刻叫佢捉怪獸....
好在捉到....

連續3日都有怪獸o係我間房到出現....
真係唔掂呀!!!
所以我已經決定左....
今晚會好狠心咁趕我既公仔出屋企門口...

公仔... 再見了!
怪獸....永別了!!
唔該遠離我!! 唔好再搵我!!