而家係美國時間既 12/18 (sun) 6:20am
今日會係我呢個trip既最後一日留o係度喇...
今次個trip都算係幾開心..
因為至少開會既時候d客人既反應唔錯先啦!
最主要既目的係呢樣呀嘛!!
不如紀錄一下我呢幾日做過咩野先啦..
首先就由12號通頂執野開始..
之後一早番公司整埋d野.. 十點半由公司出發.
我地一共有4個人... design組2個... sales組2個...
我地班機行程係咁既..
HK - LA - DALLAS - MINNEAPOLIS
check in 左之後其實都冇咩時間再去食野..
因為我地班機13:15.. 我地成11:45先到..
design 姐姐有盒較剪o係個handcarry度..
要做d手續keep住回程香港先攞番.
之後就急急腳去左cathy member裡面度食野..
姐姐可以帶1個人入去.. 而好在佢地又比我地多一個人入囉...
上飛機前就打左幾個電話...
o個一刻唔知做咩覺得好唔開心架... 跟住就上飛機..
一坐個位... 真係有冇搞錯...
我唔覺會有人中意坐中間第一行大電視既側邊位囉...
我一路都話要窗口架啦!!
成日都冇人理我既... 又極唔開心.... 眼水都出埋...
坐左一陣... 有個空姐好好人咁話我可以去簡其他位坐..
超級開心囉!! 有人理下我喇... ^_^
本來去左機中間偏後位置..
不過~ 都係唔好離佢地太遠... 姐姐又突然叫我..
咁我就坐左o係窗o個排路口位...
個同事就坐左o係窗.. 中間o個架冇人坐.. 都好啦..
之後入美國境既時候我同姐姐都冇事過關....
其餘2個就要比人罰錢比稅.... 話佢地d衫攞去賣...
搞左好耐呀! 又要急急腳咁趕飛機喇....
又再轉多一程飛機就到左minneapolis..
o個陣個時間係夜晚差唔多九點lu...
即刻去攞晒九件行李坐車去酒店先..
跟住就o係附近hardrock食晚飯.. 再番酒店..
番酒店既時候因為skyway關左.. 所以要出街行...
落雪呀~ 好得意好靚架!!
第2日(wed-12/14) 起身就去左食酒店下面buffet...
就出發行target... 都幾多野睇..
我買左小朋友衫而佢地就買左自己衫囉...
再行左一陣marshall field... 我地都買到平褲呀...
跟住我地約左外國人o係酒店夾下聽日開會既野...
之後就去食晚飯lu.... 食o個間野唔記得叫咩名喇....
第3日(thu-12/15)都係食早餐buffet..
之後就由10:00開會到5:00.... 再去左酒店附近食晚飯....
第4日(fri-12/16)冇早餐食喇...
因為一早7:15就開會... 朝早5點幾就起身喇...
不過~ 開會開到10點零就開完...
換衫之後我地即刻開始去mall of america 輕鬆 shopping lu...
我地去左食壽司呀~ 之後就行..行..行..行..行....
行到咁上下我地就同左外國人一齊行. 仲一齊食晚飯添..!
同佢分開左之後我地再行多左個幾鐘...
我都有小小收穫啦.. 因為聖誕節.. 好多店都係收十點..
我地走o個陣都成十點半喇....
等的士o個陣玩左一陣雪... 又映左相囉..
D 雪真係好得意...好得意架!!!!
第5日(sat-12/17)
今日一早2個姐姐都已經飛走左喇...
飛左去new york... 我地2個就因為冇機位所以預左留多一日..
琴晚講佢地拜拜都有d唔捨得囉... ~_~
我地2個一早九點幾就出發去mall of america...
食左個好味包包做早餐.. 之後行行行...
再去左食壽司... 之後又行行行...
跟住就食晚飯.. 我地已經買左好多野.. 重到我地飛起.
番到黎去埋target買水...
再去埋marshall field買衫先至番酒店...
支力到我地2隻野飛起囉....
既然咁支力... 係咪好奇怪我又會o係度打新聞呢..
因為亞姐姐半夜醒左打電話... 我以為已經夠鐘..
點知原來我只係訓左3個鐘.....
我又怕飛機訓唔著... 咪諗住唔訓囉...
橫掂一陣我地又會早d起身再行多一陣先check out 既.. ^_^
回程飛機行程都成廿個鐘架!!
MINNEAPOLIS - CHIAGO - LA - HK
番到香港係12/20(tue)既一早5:40!!
黎緊會有好多假期囉....
冬至... 聖誕.. 除夕... 諗起就開心... ^_^
但係再諗下番公司之後多野做到飛起就好嘔心囉...
真無奈.... ~_~
文章定位：
