琴日下奏收左工之後上左大陸玩…
今次都係第一次真真正正係為左玩而走上去囉…
都係因為男朋友個家姐同d朋友搞起先架姐..
我地總共有八個人….
四個 + 1 對 + 一女 + 一男 (係一個好玩得既舊同事黎架~)
收左工之後上到去都已經成四點幾囉…
等下人… 又大家夾下個行程..
第一站諗住去玩高卡車….
點知去到既時候… o個個人話執左笠一個禮拜喇…
所以就即刻去左打保齡囉..
嘩.. 真係好抵玩呀~~
七蚊雞一個game咋… 好平囉..
佢地玩左3個game 就叫手軟..
我同男朋友同朋友就玩左唔知七個定八個game…
當然喇~ 山長水遠黎度玩幾局就走呀? 好難喇~ ^_^
之後~ 一d人玩枱波… 一d玩飛標…
玩左一陣就去食飯lu…
嘩.. 原來都已經成十點喇~~~
去左食海鮮….
食左大蝦.. 帶子… 聖子… 瀨尿蝦… 唔知咩蚌…. 魚… 田雞… 菜…. 饅頭….
仲有咩都唔記得左lu… 總之就叫左成十幾個餸…..
佢地就興致勃勃…
相反我就冇乜特別感覺…
或者始終都唔係話太中意食海鮮啦…
食飽飯都成點鐘lu…
之後~ d人就去disco飲野.. 跳舞… 跟住再按摩…
o係按摩o個度過埋夜…
朋友就走左去搵佢岩岩上黎既朋友…
而因為我唔會比人按摩既關係…
所以我同男朋友就同佢地分開左lu…
男朋友公司個大佬話當佢琴日o係上面做野..
所以酒店$$可以claim番公司喎…
嘩…都成三百蚊架…!! 幾好呀~!!
間酒店叫做西友酒店呀~ 哈哈~ 西友… 西柚~~?
我地一覺就訓到大天光lu….!!
之後就打電話join番佢地~~
點知佢地琴晚冇按摩…. 今朝早訓醒先按囉…..
所以我地兩個就自己去左食西餐…
仲食左Hagendaz 香蕉船添!!
好好味呀~! 不過~ 就都唔係平囉…
同香港差唔多.. 兩個人都成一百八十蚊呀~~
到咁上下… 佢地搞掂晒我地又join番埋一齊…
最後得番4個 + 一個女…. 因為仲有一對話唔join我地喇~
佢地食左一陣野… 之後就行vcd店.. 佢地買左幾隻..
跟住就去左行WAL-MART… 因為想買野食…
o個度d野食又真係平過香港喎..
我地兩個冇不停買呀~ 買左叮噹香口膠同檸檬糖囉~
不過~ 佢地三個就不停買囉… 好似屋企就o係附近咁..
跟住因為都再冇function…. 所以我地兩個就冇等佢地走先喇~
本來話左上男朋友亞叔度食飯架…
不過~ 過左關之後就打比亞哥,
諗住睇下亞哥有冇出街…
冇出街既就番屋企一家人食飯…
話晒爸爸o係香港嘛…
如果有出街咁我就去男朋友亞叔度食飯囉…
最終… 我係番左屋企一家人食飯既…. ^_^
雖然話就話o係大陸消費平d..
不過~ 我覺得都幾貴囉..
我地兩個已經唔洗計酒店$$架喇~
每人都用左成四百蚊呀~!!
但係… 男朋友話四百蚊玩足成日幾兩日…
又打左咁多局保齡… 又食左咁多海鮮… 都已經好平啦….
咁…. 雖然我對d海鮮冇咩特別好好味…好正既感覺…
不過~~ 諗落佢都講得幾岩囉….
總括一句就係…….. 好好玩囉~~! ^_^
文章定位：
