草的＿”diary” 只有聊聊數人先知道的地方...(我沒有邀請來這裡的朋友"請不要進來"!!!)

40愛的鼓勵 0訂閱站台

１０月５日：早上Shootor打來我聽不到，因為我昨天說過今天最後一日上班，我想準時八點正回公司，但最後都是遲了。
返到公司，一早搞晒將來幾日的form先，都搞左幾耐下，之後就開始執野了，將ｄ係抽屜裡的廢紙放晒係recycle paper箱裡，就這樣到中午了。
今日係最後一日適逢係公司中秋節聚餐，係金都的自助餐裡搞，坐Shootor電單車十二點準時到，但我地入去的門口係賭場入口，既然係咁就順便去賭場裡逛個圈啦，都幾大下，可能係太冷清的關係，之後就走去搵自助餐的門口，未坐低就開始食了，等埋Savio黎就開始正式作戰，今日我就算食到頂晒胃都繼續食，因為真係幾好食同埋個口好痕，爆胃了！最後食埋甜品，期間Shootor玩野係我最飽戈陣伸左我個胃一野，我自然反應係回應左一句“我ｘ你呀！”結果俾旁邊的人聽到，話係第一次聽到我講粗口，仲話我終於識點做工程師了，但我今日之後就唔係工程師啦～點半就走了。Savio戈邊要早走，我就同Shootor慢慢走，去囉車時講到等陣約埋痾屎問題，即刻諗到點解唔係呢度痾要去工地度痾呢？所以又走返入去，痾埋先返工。
返到公司我即刻換地盤三寶（頭盔，反光衣，工地靴），囉埋相機就行最後一次地盤了，先走去Campanile Tower的roof影返幾粒螺絲相，去之前係樓下玩自拍，因為可能係我最後一次行地盤呢！又要行三百幾級樓梯上去，原本想上到最頂自拍下，但上面有工人打掃緊，所以乍第影完就走返落去了。
再行埋wp8041路段就返去了，四點鐘，之後幫我地戈組個秘書upload圖上Aconex，搞搞下就搞自己野了，要燒返走ｄ野等，搞到差唔多六點半，唉！走了，我仲囉左一大堆文件同咁多次開會紀錄走，應該第時會有用掛～坐Shootor車，先陪佢去大西洋囉提款卡，再去皇朝上堂。
上到去原來幾乎又係我同Shootor最早到，其餘人仲係氹仔做緊野，所以只係等埋主講的Jacky黎就開始了，又係好快講完就去食野了，去黑沙環師父仔食，呢晚當係同我farewell吧，完左之後又係時候同佢地講拜拜，高生仲話我每個星期四晚得閒的話都可以上黎上堂聚下咁，唉！講真我邊好意思呀？
下一場節目是去唱K，這時先坐Shootor車回家洗澡，再去紅郵筒等他。在去紅郵筒時我又打電話俾佢，但同呢排一樣，都係無接我電話，唉……
去到有霸王，何亞，Wig，黑鬼和他女友，我，Shootor和臭Jack，又是瘋癲到四點左右走了，都是沒有什麼心情，除左一唱就狂咳之外，同埋我部手機收唔到我想收到的訊號。只係收到Carmen叫我聽朝十點上去公司簽約。
行路返屋企，呢頭我比較熟了，所以行少左ｄ路，返到家刷完牙即訓。