24h購物| | PChome| 登入
2006-01-24 15:34:10| 人氣24| 回應0 | 上一篇 | 下一篇

MPA與英皇與明星仔...(06年1月20日)

推薦 0 收藏 0 轉貼0 訂閱站台

１月２０日：早上較了鬧鐘，很怕起不了床，再打俾黑鬼，Wig和祺。祺說太累不去幫手了，靠。
之後坐黑鬼車去會址，Wig也到了，之後先搬晒所有要用的樂器出來，再去霸lift，靠，兩部lift都俾十二樓霸住，我同黑鬼落地下搶，搬晒之後都十點了，即叫貨車，吳生講過話十點半要去英皇酒店，搬好晒我同Wig跟車，今天天氣開始有點冷，一去到就見到有班追星的o靚仔o靚妹，真瘋狂，但如果比我有機會見到學友，慧嫻，韶涵我諗我都會咁～哈哈～！
一落車就見到陳子喂，佢今天有份表演，做香港某弦樂團的敲擊。大家等了很久，因負責人還未到，期間吳生又來了，成十一點先可以入去，入面好似好亂咁，個天又想落雨，我地四人一入到去，黑鬼同我講話他剛和楊獸成擦身而過，之後開始落雨了，雖不算大，但好密，期間有些表演團體排練，居然有濠江的步操樂團，見到幾個跳葡國舞的人。
等等下見到對面有一人白衫白褲白帽，原來是成龍！第一粒見到的星。這時有人向弦樂團的負責人說取消弦樂表演了。之後佢地就走了，因為黑鬼想博下見唔見到Twins，所以我地就堂而皇之地留在原地，我們比在外圍不能進場的歌迷影迷好。
之後好大雨呀，見到一架青年旅遊的大巴駛過黎，係我地面前四五米的地方停下，之後有一班人落車，開頭是英皇的高層，之後就是一班歌星落車，有吳浩康，關智斌，Yumiko，Mandy同李逸朗，佢地就企向我地面前兩步範圍內，我同黑鬼就囉左部相機係咁ｅ晒下memory咁，影左幾張，當然我們無同佢地合照啦，因為今天我只想和學友之類的合照啦！之後佢地去左唔知邊了，班記者都唔知，原本今天不是在對面舉行儀式的，是在我們旁邊一早搭好的台，我們一定會見到學友且可以好輕易地暗殺任何一個名人呢！但好可惜落雨。
天雨關係，Twins是不會過來的，但黑鬼點都唔肯死心，等到很久，等到對面剪綵完了，才肯走，這時已經好似落狗屎咁，ｄ鼓又無遮無掩，我地好狼狽地離開，再叫貨車。乜都濕晒啦！就算拿走了英皇的超大型傘都沒用。
又係我和Wig跟貨車，回到會址即狂用紙盡量抹乾ｄ樂器，最慘係低音大提琴，連個袋都濕透晒，抹完都成三點半了，我再拎Snare Drum with Stand, Pair Cymbals走，等陣拎返去聖記。三人即去龍園ｍ記食野先，食完我同Wig坐28B回校了。
二話都不說放下樂器後便走了，回家即洗澡，對鞋都濕透了，看了會電視，七點幾，突然覺得很累，回房睡覺。睡到九點半才起來吃飯。又是看了會電視後便上網了，很無聊地，三時多去睡了，好似係…

我要檢舉
台長： 草原日記

您可能對以下文章有興趣

人氣(24) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文