24h購物| | PChome| 登入
2006-01-18 22:03:05| 人氣17| 回應0 | 上一篇 | 下一篇

......//Angela~...(06年1月9日)

推薦 0 收藏 0 轉貼0 訂閱站台

１月９日：訓到點幾細佬放學返黎，仲帶埋三幾個同學返黎，妖！嘈到死！又粗口爛舌咁！！我仲要訓覺！兩點俾阿媽個電話嘈醒後，便出廳了，佢地都走了，好似見到有人著便服，刷完牙出黎精神了，個鼻靈敏了，突然聞到好大陣煙味，仆佢地個街丫！我至憎有煙臭味，佢地係的話我一定唔會俾面我細佬，等陣佢放學鬧ｑ佢！
之後出去了，又要去仆guy CTM幫屋企交電話費，交完去食中午了，諗起一碗面加杯野飲都十八蚊啦，ｍ記叫個餐十八個半，當然去ｍ記啦，期間見到伍老師呢！食完即囉份總譜睇，我有備而來呢，睇到咁上下，要回家了，準備回校夾section。
回家拿了兩支樂器後便回校了，靠！好重呢，回到去超少人，等了很久都係得十鬆個，section銅管好定木管好呢？最後都是全部一起了，敲擊得一個，木管四個，horn一個都無返，最齊都係low brass，好無奈呢！
夾了，唉！好唔掂啊！可能係佢地睇唔慣我指吧，我都好唔掂，希望明天木管齊人吧！先搞掂最易搞的木管先。
夾到五點九咁濟，鬼叫我又慢又要諗咩！返去了，即試寬頻，又係紅燈？！再等，等到七點半都係咁，妖！即打1000，頂佢個肺話聽日先同我開條線！完全做唔到應有的服務承諾！
食飯了，再睇左陣電視，又入房睇陣書，睇睇下睡著了，九半先醒，今晚有神探阿蒙第三輯做呢！出去睇，原來十點半先做。做緊戈時轉台，今集桃色蛋白質的嘉賓係張韶涵呢！睇左陣都係睇返明珠台，因為聽日東風台仲有重播。
睇完就開電腦打下日記，之後囉隻犬夜叉係電腦裡睇，唉！好無聊呢！又係睇睇下唔覺唔覺又四點了，不可以再這樣了。

我要檢舉
台長： 草原日記

您可能對以下文章有興趣

人氣(17) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文