草的＿”diary” 只有聊聊數人先知道的地方...(我沒有邀請來這裡的朋友"請不要進來"!!!)

40愛的鼓勵 0訂閱站台

１月５日：給鬧鐘嘈醒後便立即起床了，個頭好似唔係咁舒服，成七個字先去到巴士站，又撞到Carmen，返到去剛好派卷，同場的是大三的，他們考環境工程一。
見到份卷，果然同mid-term一樣，完全唔出功課！又係要狂用腦的，雖然Dr. Lok從未fail過人，但我都係頗驚，因為mid-term時分數實在太低太低了，今段最低的一次，只得29，比Raymond的31分還低！總算叫做考完了，臨交卷時阿媽狂打電話來。
打返俾阿媽，原來佢叫我去理工對面某茶樓飲茶，和她的frd，哦！都好，因為，嘿嘿～
同Savio走落山，傾傾下時就在我們前面十米也沒有的地方，睇住一架石屎車切線撞向一架私家車右側，可能石屎車司機已收油了，否則跟本不可能那架私家車只是向左平移了少許而且也沒有撞凹。Savio講返我先知其實我地岩岩個情景都幾危險，十米也不到的距離。
之後坐28A去理工落，只有阿媽同佢個frd，食食下佢個女都來了，都係一個幾好的女仔，嘿嘿～好多年沒見了，靚女左好多呢！　成台都上海人了，其實係三個半上海人～
當然我又係唔識出聲啦～雖然以前細個時幾熟。
食完走了，去祐漢配眼鏡，去對面巴士站時，見到一堆聯合學校的，其中見到那個有份跳葡國舞的那個細路女。
去到那間眼鏡舖，先揀眼鏡框，唉！又要我揀，之前話唔再用金屬框的，但我又揀左個金屬框，覺得還可以，再驗埋眼，原來以前的度數係425而且一隻眼有50度散光，而家近視度數無變，但散光就跌到25，可以好得返？再揀完鏡片，睇睇價錢，覺得自己超折墮兼衰仔，鏡框打了六折，鏡片又唔知打左幾折，總共930！！最後再講到900，這是我由近視起所戴過眼鏡的價值的總和！唉！
夜晚先有得攞。
回到家先同阿媽一齊交管理費，上到去我又唔知係度做乜，再開一陣電腦，四點零返聖中了，打算搵梁友平問中文的，聽日考試了！
返到去其他老師話佢好似行開左，我等左陣都未返到，期間Barry打來話壞人出左分了！我超驚！　返管樂室行行吧，但未入去容個細佬話可能係中文室，有個這樣的地方？！去到都係無，再等多陣，都係入管樂室坐坐吧。見到佢同鄭朗霆數緊拍子，企左陣又去教務處等。

等到五點零，又俾我見到ｄ我唔想見到的事，好無奈，我返學校幹嗎呢？想做的事又做唔到，唔想見的事又比我撞到正…個腦都好識做，突然係度播我好耐都無想起的英文舊歌…Let it be…

再返入管樂室坐一陣，走了。回家途中，我很想找出自己剛才的心情研究一下，到底自己現在如何，但我仍不敢，我不敢再碰有關這種心情…難道之前的日子我有在逃避嗎？或是不敢想得太深入所以過得還可以？
回到家，阿媽又準備出大陸了，我又開了電腦聽下歌，再較下個芒的光暗之類的，七點又出去了，去拿眼鏡，由台山行到去祐漢，戈間舖話仲未送到黎，叫我八點半再去，我還是明天才拿吧，唉！我做事總是事事不順，好難挨！
去到新城市樓下，突然想起仆街CTM，之後把心一橫，自己去搞寬頻！搞完一大輪，問左幾個問題，最後幾乎一切都弄妥了，還有最重要的一環，就是即刻俾錢，三佰蚊按金費，我未有錢俾，所以要聽日先搞到，唉！
回到家食完飯，我也是時候看一看明天最後一科考試了，明天考中文，我四年也未試過考中文了。由於明天考十題，而那十題目都已經全都給了我們，所以我們四五個有修中文的就分工合作，我找第八題的答案，還蠻容易找的，但我沒有上網，要等到夜晚九時多上Carmen家借電腦print，順便看看壞人那科的成績…
嚇了我一跳，總算合格，有D+，我已心滿意足了，唉！今天總算有件稍為值得舒懷的事了。
Print晒大部份的問答答案後便回家了，還有小部份仍是找不到，小明找的答案全都用不上，我們沒有人用她的“答案”，自己再慢慢找吧，唉！連中文少少野都做到咁差，算了！對多佢最後幾個月。
之後回到家才發覺，我忘了send我打的題給其他同學，即上黑鬼家send，再坐一陣先走。
回到家沖完涼都成一點了，這時才開始溫習，有答案的八題問答，同中學一樣，都係臨測驗考試前一晚才開始溫，但現在我的記憶力不行了，又搞到四點了，只是背到意思。明早再算吧。

ｐ．ｓ．這天是一月五號，五號，剛好是那件事發生了一個月，我．還．可．以。但如果可以回到那時，要我再決定點做，我會點做？我唔知，雖然我對得住自己，但我仍感到很不是味兒，仍有內疚感…自己那個舉動我仍自覺好自私…