草的＿”diary” 只有聊聊數人先知道的地方...(我沒有邀請來這裡的朋友"請不要進來"!!!)

40愛的鼓勵 0訂閱站台

１０月２２日：十二點幾起身，出門戈時阿麻來囉辛俾我地今晚煮，之後約埋莫緯ｘ返學校，約十二點九等，但我一點先到，入去先食個阿姨面，kamen出現過一陣走了，成個月無返band了，今日敲擊得兩個人～
今日個咀仍是爛爛的，吹唔到野，得個坐字。今日吳生又夾返我派的兩份譜，奇劣無比，唉！各位練野啊，搞到我好似將隊band搞到差晒咁，唉～！最後，小號成為了導火線，上半場都未完，吳生叫所有brass出晒去練野，留返woodwind練The Fifth Suite！
出到去同trombones，euphoniums數下拍子練下咁，見到今日又缺席的叮叮，但點解唔見林＋＋，我一個人教唔掂的。
期間入去幫牛丸收返支trombone時，吳生正同woodwind講野，見到我，明同woodwind實就同我講話我經驗唔夠，就是嘛～
又練多陣，入返去了，又講左陣野，看來今年小號是沒得救了，今年的新人全都很不濟，除了鄭朗停外（不是賣花讚花香喔～！），個個都比上年個仆街搞到唔知似乜咁！
又到我指了，全是練march，我派那兩首剛剛夾過，費事又夾，三首march基本上都係就咁run一次，仲有一首未夾過的下次先吧，今日三點九就要放人走去練東亞的彩排呢！
夾完了，叮叮玩了個撞樹遊戲，十分有趣，的確會撞親頭，哈哈～！又坐左陣，見到東亞表演的制服，正如猩媽所說，好似係桑拿幫人遞毛巾的人咁，成身白色～　ｄ人走晒後，得返少量人係度，見得閒，再篤下師弟練野，練練下佢走左去打籃球，最後搞到我都玩埋一份，好耐無開過場了，打到五點半了，要走了。
回到家看了幾分鐘電視，阿媽叫我先借五佰蚊比我老豆，之後又要去阿麻家囉湯，食完飯，無聊地坐係沙發上同細佬睇老豆係大陸買的老翻，睇睇下要出去了，三個人先去南灣的合成香水接阿媽收工，她要待在這實習兩日，佢個暫時的supervisor是個年紀比我小的女生，阿媽話佢好乞佢憎，我阿媽居然話佢呢日好串地串佢一定未有男朋友，說中了她死穴～
八點三先走得，之後坐的士去觀光塔了，三叔他們在那裡有一個位，是講澳門電子產業的，這次觀光塔搞的好似叫什麼“MIF”，連今日澳門日報都有好大的一張相，相中有兩個人，一個是我三叔，一個是譚伯源，威晒喇佢。去到點知全部都已收檔了，聽錯時間，之後打個電話後再去黑沙灣黃金join返佢地，好豐富的一餐，又蟹又剩，我都唔理個咀點爛了，忍唔到口，又飲左兩大杯紅酒，順便當係幫個咀消下毒咁，又搞到頭痛！
返到去係廳度無野做，睇阿爸買的老翻，睇蝙蝠俠俠影之謎，都幾好睇，但最衰就係只有國語配音。
沖完涼又上左陣網，之後睡了。

ｐ．ｓ．這天是小葡的生日～生日快樂了～