草的＿”diary” 只有聊聊數人先知道的地方...(我沒有邀請來這裡的朋友"請不要進來"!!!)

40愛的鼓勵 0訂閱站台

１０月７日：九點起身，即趕去台山BCM提錢，真煩，早餐都未吃。之後直接坐三十路回校，好耐未坐過三十路返學了，去到海灣落，去打電話叫Dickon叫司機開車來這裡接我之際，發覺他的電話set在我舊電話中，唯有等他打來吧……
第四次去打水，比平時打多了一桶，回到去又拿了個BIOHAZARD袋來裝臭衫，之後又和carmen食canteen小泉，嘿！大家講講下發覺自己都是講人壞話的人，沒辦法啦，這班實在太不濟了。
之後上中午堂，上上下發覺太悶了，睡覺去了，睡到放學，便即和carmen同小明去圖書館，等陣圖書館裡的安德魯有個整個土木的gathering。打比金來，比條會址鎖匙佢，我今晚可能會遲ｄ先去。要跑去物理實驗室，又要跑返返去圖書館，上頂樓，搵了兩本雜誌看，望左兩眼便夠鐘落去了，那個小明計埋數先下去，唔明佢諗乜，這個人沒什麼，但我仍覺十分厭惡，十分固執，死都堅持自己的笨方法，錯方法，好彩壞人戈份報告唔係同我同組，因我唔想失血過多致死！
一入安德魯已經諗定叫咩野飲，食ｄ咩貴野咁，因為每人要俾十五蚊，點都唔會蝕比佢啦，點知一入坐，就見到某角落放著些飲料同小點，shit！難怪只需十五元！
食完又同高同學吹左陣水，間中聽下高sir介紹每年級的班長，四個年級都沒有什麼交流，比上年那個那渣好多呀！上年起碼係食蒲非呀！
五點零可以走了，原本今日要同Dr. Shim開會的，但以這個理由唔去開了，坐三十路回家，過橋前Dickon打來說Dr. Shim碰到高sir，知道個gathering完了，即叫我們去開會，Shit！又要係墳場即落車走返上去，係圖書館門口見到quantin，陪佢去canteen，佢食野我寫野，寫完這兩星期的匯報後便走去開會了，去到門口六點，等埋phyllis到先入去。
入到去堂然先挨罵兩句啦，之後一路呆坐，最後應該到我們說了，卻叫我們星期一前打份匯報send去佢mail，便放我們走了。
我先去電腦室坐坐，諗住post日記上網的，但卻撞正新聞台維修，而且咁岩撞正呢一日係維修字母係“g”字頭的新聞台！唉～！又是這麼的不走運，真的好運從未降臨耶！
走了，行百幾級樓梯，夜晚其實風景超靚的，但沒什麼心情看，又坐三十路，直接去會址了，去到九點。
練練上其中有首歌，sinhor Neves突然改變了打法，我都跟住了，不是很習慣，，又累，仲試過打錯添！打完後，有個跳舞的走過來跟我說，佢說見到我個樣好似好猶豫，叫我肯定ｄ比ｄ信心打落去。原本還想在心裡反駁他幾句，但想想下又對，這幾年所謂的改變，小得可憐，而且都只是表面，他所說的簡直是一針見血，我仍是沒怎變過，都是在騙自己。
走了，陪香香去了渡船街天龍，原來佢都係犬夜叉迷，今日無睇佢話會今晚打醒我睇，之後我回家了，又行筷子基回家，個鼻痕，用手揉一揉，突然覺得涼浸浸，用鼻噴一噴氣，Shit！原來係流鼻血，而且勁多停唔到，都怪自己行路行得太快，搞到心跳加快，係咁泵ｄ血上黎，又撞正今日我唔係好男仔的日子，沒有帶紙巾，即刻開個書包囉今日換左戈件臭衫頂住先，滴到書包裡面都係，一路掩住個鼻一路行，超狼狽！終於返到去，坐左陣先停！
沖完涼就直接訓了，實在是太累。訓到兩點，香香真的打來叫醒我，但我掛線後又立即失去知覺了。之後半夜好似聽到個手機響，不知msg還是什麼，隱隱約約見到細佬囉部機唔知做乜，但我沒理，這時部機裡的電話卡是我的耶，他夠膽看我的東西嗎？太累了，繼續睡。