草的＿”diary” 只有聊聊數人先知道的地方...(我沒有邀請來這裡的朋友"請不要進來"!!!)

40愛的鼓勵 0訂閱站台

１０月２日：昨晚在家發呆時，Dickon打來叫我今天有空回去看他做實驗，順便先教教我怎做，原本想今朝九點去，但我懶的關係，十二點先返到去。
教曉了我很多東西，最主要的儀器如何使用，samples點處理，要溝咩化學入去等。講了很多什麼COD Test，DO Test，IC Test，SS Test，MLSS Test，DI water等：
SS Test：抽好像50ml原污水再用濾紙過濾，囉ｄ渣去某機器裡烘佢兩個鐘，之後囉出黎砰下幾重。簡單！
MLSS Test：又係好似抽50ml經耗氧同厭氧過程後with MLSS的污水，之後同上，都係簡單！
DO Test：唔駛做，只係囉支儀器係水裡攪攪攪攪攪，之數便出來了～不用我做。
COD Test：各囉不同處理狀態的水各2ml入cylinder，再囉DI water溝到去10ml，再倒2ml去另一cylinder，咁樣就溝稀左，再倒入一早外購好的小test tube，即時同入面棕色的液體起反應，變橙色，同埋放熱，冬天可以做暖手棒耶！再放入某機器裡煲熱佢兩粒鐘，打後唔駛我做，兩個鐘後攤凍佢再放入某spectrophotometer讀數～這個比較麻煩，尤係係將一大杯屎水倒入纖細的cylinder，之後又將此cylinder倒入更更更纖細的cylinder，唔係倒多就係倒少，可惡的浸淫現象！
IC Test：將各狀態下的污水屎水放到佢沉澱後，再用我覺得非常恐怖可怕的針筒抽水，再係針頭接上特別的過濾物體，成個奶咀咁，可以隔去0.22μm的顆粒（遲ｄ偷返幾個返屋企玩先），再射入一小瓶子裡，咁上下就囉之不知名抽佢5ml去50ml的平底燒瓶，再溝45ml的DI去離子水，搖搖搖搖搖，再倒入一可愛的小瓶子裡，最後放入IC儀器，再在電腦教部機抽取小瓶子裡的水分析，等電腦出圖，搞掂！
省略了很多更為煩人的清洗程序。
記得咁詳盡，主要是趁未忘記有幾多記幾多，因為這天記下的不止日記，還算是實驗記錄，星期五開會和最後五月交報告時要用的，所以這天的日記要做bookmark！
期間兩點零三點同Dickon去了canteen食小泉，又傾了很多final project的東西，唉！還有煩人的將來就業情況。
食完又繼續返去做實驗，其實都快做完了，趁未開始print了大量壞人（Ryan）的筆記，不用錢！五點時有一個break，即開電腦上陣msn，時間過得真快呢！又五點半了，做多陣走了，今天只有我一個，phyllis沒來，但Dickon為了不被Dr. Shim話，遲ｄ佢地見面時又要說成我和phyllis一齊有份做實驗，頂！真不公平，沒做過任何東西的人可以分享實驗經驗！沒辦法，Dickon都唔想～
走了，回家時阿媽說又去食泰國野，又是上次七八月去那間，真想返返去上次那段時間……
回到家又是看電視，晚上上無聊網等，至到幾點呢？忘記了，反正沒有什麼值得記下就是了。