草的＿”diary” 只有聊聊數人先知道的地方...(我沒有邀請來這裡的朋友"請不要進來"!!!)

40愛的鼓勵 0訂閱站台

９月２日：早上七點九俾jill叫醒，起身梳洗後便落樓了，早餐超豐富，杯明光汁好重味，食左兩輪，唔敢食太飽，之後與jill & P去逛SM。
差不多十點，等了一會個商場先正式開工，頂！ｘ！靠！個商場大到咩咁！雖然得五六層，但每層都大到ｐｋ！我諗如果將每層鋪晒係地面，可以覆蓋整個氹仔！由最頂層開始往下睇。最頂咁岩有一區電器展的開幕，有隊鋼片琴加小鼓步操的樂團在表演，全是小朋友～
每層由頭走到落尾，話佢足足有成條啤利拉街咁長都不為過！每層都逗留了很久，行過見過什麼都忘了，總之超多野逛，但沒有什麼東西可買。去了一間很大的玩具店，好正啊！有一隻成個人咁高的恐龍模型，我地三人成個大細路咁囉ｄ玩具影相～
lunch time食日本野，食味噌拉面，但好像不及台灣的好食。叫野食戈陣超搞笑，個侍應問我地要唔要shit，下？shit？佢仍是用好菲律賓式的英文話仲有mango shit，pineapple shit……聽聽下先知原來係SHAKE！真係SHIT！
結帳後又繼續走了一會，臨前見到有間野有露營用的帳幕賣，中型的只是P999，靠！平到喊！jill即買，我都有點心旭旭，遲ｄ先啦！買完差不多夠鐘回去了，換好衫準時3:15分前已到了lobby等，又拍下照，之後去香格里拉商場表演了，唉！大得恐怖！
成五點先話到我地，頂！咁就唔好叫我地咁早等啦，又影下相，行行企企咁，我同jill同P狂吹水，好重要的話題，都算係塞錢落我袋。謝了～
開場了，第一part頗順利，break時我們三人去了買雪糕食，但我沒有買，話咁快又第二part了，突然！首cinfaes唔知邊個炒左，導致整個music同dance都不知所措！雖然在管樂團中是很平常的事，但這個是個十分嚴的團體，不管我們那時有沒有錯，點都要挨罵的。
之後又狂等，等到後尾見ｄ人走了，我地以為出場，點知原來係回酒店，沒人通知過我們呢！咁又俾人話幾句！靠！同阿蕭同一部鯩，搭搭下又俾佢搵返岩岩個　話題黎話，頂佢真係好似當晒係我地錯咁。
回去換好衫就準備繼續逛商場同食飯了，阿Tom都加入。這時都已八點幾快九點了，我們又在房裡耽誤了些時間，商場都快關門了，逛了一會，見到有好多好可愛的小動物賣，出返商場便找東西吃。
周圍逛，行遠酒店少少，終於看到菲律賓社會比較真實的一面了，唉！好多窮人。去了間叫Joellibee的快餐食，之前還去了些便利店買了點芒果jelly做手信，又去了有臭味的seven，買左個shaver。食完回去了，返到去即同jill兩人砌個帳幕，五分鐘搞店了！嘩！好正！我明天決定買了！
回酒店我們三人加埋Tom再加埋金來在我們房間，我地睇無字幕的殂魔人，雖然不是聽得很明，但依然全神地看，無人得閒理會jill的魔術呢，哈哈！
沖完涼便在床上寫了點日記，寫到四點，睡了。