NOTES 生命就是奇蹟~!

44愛的鼓勵 0訂閱站台

今日好攰，但係好開心。
今朝起身唔係好早，九點。梳洗，早餐，靈修。九點五十五出門口。感謝神，十點有車啦。十點二落車，撞到呀珊，原來佢報左中學生詩班，急急腳走緊，今次佢真係「珊珊來遲」。別了珊，到地鋪剛好係十點十五分。等左一陣，人多啦開始，連帶病的娟娟都黎左，辛苦哂佢啦。練習個陣大家都唱得好好，係呀鈊蕊攪野讀個「勢」讀到成個北方人咁。希望之後詩班都順利啦。
拉埋閘，祈禱會後，崇拜開始啦。今日的提醒最深刻ｇｅ係主所受苦的真實，我想自己有時都冇儆醒到。之後聖餐，都紀念自己受洗，盼望六月受洗順利啦。
完左崇拜，一齊練左陣歌，同大家一齊唱詩歌讚美神真係好開心。中午係沙宣食飯。好似好耐冇係沙宣食飯啦，一家人的感覺很好。食完，粉絲拿住袋雪條，遞左支埋黎，點知原來係玩我，我冇分ｇｅ．．．個何紫紫係度狂奸笑，唉～你地都學壞哂啦，跟得ｄ姐姐多：ｐ之後，出去派單張，九牛二虎先叫得郁ｄ人出去，唉～打交呀，你地班細路．．．
下午去ｓｐｏｒｔｄａｙ，係康公廟前地進行。思瑩叫我揹幾樽水過去，點知．．．我個袋竟然爛左條拉鏈．．．咁就報銷啦。不過算啦，就咁拎都冇問題ｇｅ。今次最後係有九個小朋友出席（計埋何紫紫）。班細路都幾乖啦，吳偉賢，黎民俊同梁家俊本來都話唔黎，最後都黎哂。一輪競技之後，輸嬴都冇所謂啦，權哥一早都準備好野食。其實都係想大家開心下，等你地都繼續返團契同主日學，快ｄ信耶穌。
之後祈禱會，我就變得超眼訓．．．唔係太集中．．．不過都明白詩人的心情，唯獨耶和華是至高者，敵人雖有難，但只想他們想起神。
五點半到下環開會，其實好緊張，因為第一次參與係暑假事工裡面，我部大家姐ａｍａｎｄａ竟然有事不同出席，我就膽粗粗ｕｐ住先。成個過程，我都睇到兄姊在各個活動以後的付出和擺上。其實以前自己都參加過生活營同興趣班，亦都係裡面試過幫下手，但從來都唔知，原來咁早就要諗定哂ｄ野。感謝神讓我們係事工裡面有分。
會議結束，又要諗下點部處ｄ野，（剛剛又收到ｔａｍｍｙ的會議記錄，辛苦哂佢。）之後去左睇籃球比賽，點知．．．企左都冇１分鐘比賽就完左，冇黎激情。呢頭完，個頭去食飯，去小熊貓食面，雖然ｄ薯仔係後黎先加，但都覺得好好味。肥佬食完呢餐，返屋企原來仲有一餐，唔怪得啦．．．然後同呀東返沙宣攞返本書，食飽一齊行下都好ｇｅ，林蚊都一齊行。攞完，再行返去總堂同林蚊攞車。林蚊成程都冇點講場波，睇黎大家都係打得麻麻地，話三分唔準喎，肥佬就四球上籃都唔入，噢．．．
總算返到屋企，真係想即刻訓覺，覺得今日係放假返到黎澳門最攰的一日。但係又上網上到衣家．．．ｈａｈａ～
好感謝神可以讓孩子事奉，雖然自己好唔配，亦都好多不足，但都盼望神比自己有智慧同忠心。