NOTES 生命就是奇蹟~!

44愛的鼓勵 0訂閱站台

　　細路仔，想像力豐富，但係有時諗埋哂ｄ不切實際ｇｅ野～都幾笑死人～
　　以下係自己細個ｄ騎尼想法～睇下有幾攪野啦
１左右互搏
我細個係未識周伯通個陣，就己經諗過「左右互搏」呢樣野。即係乜？ｈａ～
話說某日，我係度刷緊牙，我突然係度諗：「如果我第二時我冇左隻右手點算？」於是我就開始試下用左手刷牙。之後呢？我又試下用左手寫字啦，用左手喳筷子啦，用左手攞乒乓波拍打波啦。諗起都傻仔～哂埋哂ｄ時間練埋哂ｄ無謂野～

２五代同堂
細個睇電視，見到盧海鵬（唔知有冇記錯）演個古裝劇有四代同堂。我就諗，不如我整個五代同堂啦。呢個驚天計劃如下：我廿歲有個仔，咁我個仔廿歲又有個仔，咁即係我四十歲做爺爺，如此類推，咁我八十歲就五代同堂啦～呢個計劃我曾經係家人面前講過，佢地咪哈哈大笑囉（你咪又係笑緊．．．）

３倒行俠
我屋企係後座，所以，如果我面對住大厦門口，亦即係對我屋企大門囉（睇唔明唔緊要～有機會去實地解釋比你地聽）。咁我上樓梯個陣，就試住淨係對住前面，唔轉彎，情況就好似係行運超人呀千嬅咁啦。咁我上完第一排，就倒行上樓梯啦，之後正常，之後再倒行（拿你睇唔明ｇｅ話，就證明你空間，立體思維唔掂啦:p）。咁上法，上到三樓都用成差唔多十分鐘啦。不過我覺得好過隱，仲試過推廣到落樓梯添，問你怕未～

４壞習慣
我以前有個好．．．都唔知點形容ｇｅ壞習慣，只可以話我無知囉。之前我有提過，我小學係天主教學校，所以我細個都知祈禱大約係咩野。咁有時，當我做一樣事，或者對抗外來的引誘ｇｅ時候呢～我會點樣呢，我會試着比自己壓力。點比法？唔好嚇親啦－－登登登登～～我會同天父講：「天父，如果我咁咁咁咁ｇｅ話呢（或者我做唔到ｇｅ話呢），咁你就整到地球有世界有末日啦～！」．．．諗起都驚驚～咁樣同我地ｇｅ父神講野。不過冇世界末日，又點會有新天新地呢？

５增高
我細個有增過高架，真架～不過我衣家想縮矮返少少．．．
其實已經係初中時代啦，當時係準備歌詠個音樂會，咁我諗住做司儀喎。但係人地嫌我矮．．．咁我就實行左一個增高計劃，一個月高五ｃｍ～！！（大致係咁啦個目標，總之就係想係短期內高多ｄ囉）係咩呢．．．？就係每日都搵個時間係度跳，狂跳，跳到攰為止。但係如果係屋企無隙隙係度跳，呀媽實嚇親啦～咁我點呢？我就係厠所跳，每次沖完涼就跳，但係我對拖鞋又唔掙氣，「拍拍」聲，咁咪比人知道我係度跳囉．．．咁最後呢個計劃當然唔掂啦，司儀咪冇得做囉～

有時諗返細個d騎尼野真係爆笑～咁好笑，除左因為真係好好笑之外，我覺得開心ｇｅ係發現自己大個左，成熟左，有改變。