自06年6月尾考完私家車以後
一直都沒有機會渣車
今日中午秘書小姐打電話問我下午得唔得閒
細問之下原來搵我做司機車食物
因為明天老闆返星加坡度歲
臨走前來個小小團年到會
但又沒有其他人可以有空出去車食物
所以唯有找我
本來到會可以送到公司
但怕俾人微言(因為酒店內有咁大個F&B部門還要出外叫食物,如果直接車落停地庫車場再入office 就神不知鬼不覺)
所以要渣車出去取食物
我已經同第書小姐講我沒有幾何渣車(其實係無)
但真的沒有其他人選
而且只是到KFC買食物
反正路程又不遠 (最近的KFC在金沙)
所以最後我都膽粗粗應承了
食過午飯, 秘書小姐再打電話來confirm時間
這時才知改了地點
是到連勝風行取食物
噢!! 途中經過人車擠迫的高士德馬路
再要轉入路窄多彎的新橋區
死啦死啦! 點算呢!
但又應承左, 所以唯有硬著頭皮頂硬上
匆忙地做完手頭上的工作後
便走到地庫取老闆的車匙
在地庫兜了3個圈及泊了一個L位實習
便膽粗粗地載著兩位秘書出街
太耐沒有渣車了
在停車場內控制汽車有點不知所措
特別是踏油門及迫力的深淺
頭一圈真是"chok"到傻
兜了一圈後開始掌握汽車的性能
再兜多兩圍便有始有少少信心
"登登登櫈", 歷史性時刻終於到
我終於要出街了
手握軚盤腳踏油門十分緊張
出停車場很順利
之後直路然後紅綠橙
起步後再由孫逸仙大馬路轉入宋玉生廣場
由於扭軚較盡所以差點抄上行人路
好在即時回軚
不過已嚇親兩位秘書小姐
之後她們開歌來聽
可能在音樂環境下渣車亦變得沒有之前那樣緊張
車子順利繞過生锈鑼迴旋處後直駛松山隧道
一出隧道後便開車塞車了
行下停下, 此時才知自動波的好處
落到高士德後又要過左線入高地烏街
一來要避開左邊鼠來鼠去的電單車
二來又要用車頭行先, un 下 un 下咁慢慢入線
真係好考功夫, 還好最後都順利轉入高地烏街
轉入三盞燈, 然後好快就抵達連勝風行
由此沒位泊車(就算有位我都唔泊, 因為已經唔係好記得點泊位)
放低兩位秘書後便慢駛兜圈
兜了三個圈後連勝風行門口前巴士站的貨van 終於走左
所以可以泊入巴士站
雖然是前泊位但我都鏟了少少上行人路
停定後入後波倒後少少
差點碰到旁邊正停下來正在塞車的車
好在踏迫力踏得快
取了食物後便打道回府
經三盞燈入高士德再入提督馬路
然後經媽閣到西灣, 南灣最後返回MGM
雖然兜了很長的路
但油錢是老闆俾, 而且塞車程況不那麼嚴重
所以花了一個小時
最後安全順利地返到MGM, 停下車後我才鬆一口氣
考牌一年半後第一次渣車便有這樣成績
我想是身旁兩位秘書小姐的功勞
因為如果車內只有我一個一定會緊張到暈
兩位秘書小姐在旁邊講下野
又有音樂聽一下
抒緩了我大量緊張的情緒
P.S. 十分期待下一次的駕駛
文章定位：
