星期天, 難得是頌愛堂十五週年的主日崇拜, 我有幸被邀請上台講見證. 可惜的是我講了一個很差的見證. 白白浪費了這一個難得的機會.
在未有空閒時間打我講過的見證用文字再表達出來之先. 大家唯有看一看我再之前所講的見證止一止住咳先! 請慢慢欣賞!!
時間: 2002年12月29日約早上11時10分
地點:澳門浸宣福音中心頌愛堂
內容:
各位早晨! (會眾回應早晨)
各位早晨! (會眾再次點應早晨)
好耐無試過係講台上咁樣各大家問安. 所以特別向大定講左兩之早晨. 唔知係最近呢幾日天氣凍定係自己好驚, 頭先坐係o個邊時不斷係咁震. (會眾笑…)
首先感謝神俾我有機會係呢到同大定講我o既感恩見證. 其實當中都有爭扎過. 記得係平安夜o個晚, 係大三巴聽完詩歌後, 我地去左食宵夜. o個既阿運邀請我星期日講感恩見證. 不過自己o既性格好多時都會有優柔寡斷呢種缺點.(會眾笑…) 沒有即刻答應或者拒絕. 但係o個晚返到屋企, 係沖涼時個腦海已經不斷思想有什麼感恩事項可以分享. 到26號青蛙再sent 個mobile message俾我, 邀請我講感思見證. 我打番電話俾青蛙時都無作出答應或拒絕. 甚至到尋日(星期六)都仲未好firm今朝一定會講見證囉.
識我o既人都知我呢兩年零八個月去左香港工作. 每年大概只有十幾至二十次係澳門參加到教會(頌愛堂)o既崇拜. 初初知道要去香港時真係好開心, 諗住可以放低晒教會o既事奉工作. 可以休息一o下. 但係去o左一段時間後, 返到o黎教會, 見到弟兄姊妹為到教會事奉, 就變得好懷念呢d事奉工作, 以前自己也有份, 但係依家就變得只係參與咁樣. 好渴望可以再次係教會裡面事奉. 所以我鼓勵在坐各位為到教會事奉而感到疲累o既弟兄姊妹, 千期唔好諗如果有一日可以唔駛事奉就好呢個想法. 因為可以為神事奉係一件好開心o既事, 而且亦可以學到好多好多o既o野.
好感恩o既係去年可以加入明基堂o既關顧部事奉. 俾我學到好多o野, 學到好多明基堂點樣係教會推行關顧工作. 亦都可以睇到兩邊教會各有唔同o既做事方式. 盼望將來可以將呢d我所學到o既o野帶番o黎頌愛堂裡面.
亦都要感恩o既係我係明基堂有團契, 有一班好照顧我o既弟兄姊妹. 因為我係佢o地之中年紀最細. 而且我又係佢地面前好怕羞(會眾都用好懷疑o既態度係到笑). 真係好怕羞. 所以佢地真係好照顧我.
亦都要講o下我工作上面o既感恩事項. 有時d人會問我o既工作做d咩. 我都會答係做雜工. 因係我上司係一個日本人. 佢好好人, 俾我好多自由. 所以除o左正常工作外, 我都會做o下office boy, 出去送o下信, 只要問其他同事有無信要送, 同佢我上司講一聱就可以出去. 當然送完信就可以行一陣街先返公司, 有時甚至唔返公司, 行完街後便返屋企. 而且送信o既地方我都會好揀擇, 只會選灣仔, 銅鑼灣呢d有得行街o既地方. (會眾聽完後笑得好開心)
而我部門o既同事都好好人. d經理都好好人, 有時自己做錯o左o野, 佢地都唔係o個隻b le ba la 係咁鬧人o既人. 而自己學習到o既係做錯o左o野唔好為自己搵excuse, 要承認錯誤. 花時間去諗excuse只會逃避責任, 令自己無進步, 捯不如想想自己點解會做錯, 出錯係邊處, 吸收o左呢d經驗, 下次先唔會再出錯.
而同d同事亦都相處得好好. 或者大定都係一班年紀相近o既男仔, 所以好玩得埋. 當中計埋自己都有成5個基督徒, 有一個仲係浸宣聯會恩霖堂o既弟兄, 所以特別有多一份親切感. 因為身邊都有基督徒同事, 所以更加體會到聖經中所講o既”弟兄眼o既刺、自己眼o既梁木”. 亦都俾我看到咩係生活上活出好見證.
(以下呢段唔係好記得當時點講, 仲之大概內容一樣, 組織上就可能有d出入囉)
其實去o左香港咁耐, 都好想返番o黎澳門, 因為自己o既屋企人, 自己o既教會, 弟兄姊妹, 仲有識o左多年o既朋友都係澳門. 不過如果返o左o黎, 我又會唔捨得香港的弟兄姊妹, 同事. 而且對比港澳兩地, 香港真係一個好繁榮o既城市, 而且又係購物天堂, 想買什麼東西都好方面, 可以搵到. 或者現在o既生活太好喇, 對未來如果返o左o黎會唔知點樣. 不過梅牧師前個星期過o黎明基堂講道時, 分享o左: 約翰福音十二章25節 “愛惜自己生命的、就失喪生命．在這世上恨惡.自己生命的、就要保守生命到永生。”呢段信息. 令我知道愛惜自己現時o既生活只會令自己迷失. 因為我知道終有一日我會辭o左依家份工返番o黎澳門, 但係我要放棄現有o既生活, 會好唔捨得, 真係好唔捨得. 希望今年可以返o黎, 但我唔咁肯定住(聽到台下有位弟兄笑住細細聲同隔離講”佢咁講即係仲有保留”).
(以下呢段準備o左, 但係當時唔記得o左講)
近呢幾年經濟好差, 失業率係咁升, 成日都聽見身邊o既朋友俾人裁員, 減薪, 減福利等等. 見到呢個咁繁盛o既香港變成咁, 真係有d驚. 加上自己份工真係好穩定. 有人問過我你公司會唔會裁員, 我每次都會答肯定唔會. 如果放棄o左呢份工返o黎澳門. 到時真係唔知會點. 不過早幾個月前同個弟兄傾計. 佢提醒返我其實澳門同香港唔同, 澳門o既失業率不嬲都係咁上下, 只係香港o既失業率突然升得好多. 好多人失業, 被裁員. 社會經濟變得好動蕩. 但澳門就唔同, 唔似香港咁變得咁誇張. 而且佢亦鼓勵我把心一橫辭o左依家份工返黎搵過份. 因為我依家份工真係好正, 返5日, 又多假. 如果我以咁o既狀態去搵工, 一對比其他工o既話我就唔會放棄依家呢份工囉. 當時令我亦諗番起我忘記o左一樣o野, 我諗都有2年幾, 就係對神o既信心. 或者社會o既影響真係好大. 我會驚返o左o黎會搵到點樣o既工. 會好擔心. 但諗番起以前o岩o岩畢業, 個個人都話好難搵工. o個時我都唔會擔心, 到我畢業後休息/玩 o左3個月後, 意息到要搵工作. 當時我好大信心神會俾一份合適o既工作我, 所以對前路一d都唔擔心. 如果我好快就搵到呢份工, 而且仲有機會o黎到香港見識囉. 諗番起呢d一齊都係神o既安排. 因此我應該對神有信心. 因為我知道神會為我預備.
早幾日睇靈修書, 裡面講到係倫敦o既一份報紙, 上面有一個通告, 登出”能說出通往倫敦o既最近捷徑, 便可以拿到獎金”. 有人便回答:”有一個好伴侶, 便是通往倫敦最近的捷徑”. 因為去過旅行o既人都知道, 如果有一個好o既伴侶同你一齊去, 旅程幾長都好, 都會覺得好快就過o左去. 我o地o既人生都有樣, 有平坦有崎嶇. 感謝神因為祂我的人生旅程上的好伴侶, 使我o既旅途變得容易.
我o既見證分享到呢到, 多謝各位!
文章定位：
