2007年2月21號 星期三
天氣 嘩!!!CWB 氣溫驟降
心情 好開心 期待左好耐好耐
今日係睇Lunar New Year Cup ge 大大大日子
等左好耐好耐好耐 由零六年講到零七年ge事
今日終於實現了**睇決賽的感覺會更好]
晏就同rin忙左好耐....好趕急呀!!!
聽日就練波啦...不過好似什麼都未做 搵人搵場係一個問題
好彩有小魏人幫手...想搵勁人同我地開game
又係叫魏杰龍幫手call人黎...幸運地我地又搵到場 搵到人
不過維他個邊好煩 ==
算!!!!忙左好耐 搞到遲到了
CWB citysuper好正 有時間一定行餐飽
朋友們你地還記得有芝麻醬呢回事嗎!?
我地打的去HK stadium 有點兒奢侈啦...
過關入閘個陣,,,佢地竟然截左我個水樽
明明已經唔係膠個種,估唔到都唔俾帶 == !!!
下次要醒少少*
踏入球場個下真係覺得好爽嫁!
好鍾意個種草地香 一種大球場先有GE 草地香!!!GD*
好鍾意個種空曠感 一種大球場先有GE 空曠感!!!GD*
好鍾意同廣大市民一齊睇波
今日有13,564名球迷入場欣賞賽事,,,我同PHOEBE LO 係其中兩位
今次我地揀左兩龍門後面黎坐
同球迷會D人一齊打氣*前前後後都好多人
嘩**粗口滿天飛 ** 表演:有小妹妹跳芭蕾舞呀！！！
佢地對腳勁過打排球ge女仔!!]]
香港對澳洲...打得好好嫁啦
開頭好多攻勢嫁...不過都係攻唔入 仲要俾澳洲入波先
下半場又俾澳洲 捷廸側身抽射破網 [[靚波
雖然HK落後緊... 不過打出拚勁!!!
追返2比2wo 嘩!全場high到暈
平手射十二碼 第一球就射失左...結果都係要拎殿軍...
有人大叫: 足總回水呀!又話左倫右李
咁又係,歐偉倫初六仲要踢表演賽
其實李健和都踢得好好,助攻助守 佢被換出去個陣,
全場用掌聲歡送佢呀!!!正
到冠軍戰啦..HKFA將D時間夾得岩岩好 8點3開波
上半場冇紀錄...悶左D
香港隊D球迷帶起玩人浪...正呀!!!
不過多次去到貴價飛個D位,個浪去到個度成日都斷左,,,
可能因為人較少啦~~~我地呢邊D人勁噓佢地!!!
不過都成功左幾次 ^^ 好開心
好Enjoy同你地玩人浪 團結ge象徵*
半場完之後,好多人走
因為太悶啦...我都覺 == 有歌舞表演
audience 把口好衰 ==
嘩!之後落雨...嘩!同Phoebe去左第三層度睇..
咦...都幾好景wo...成個足球場都睇得好清楚
不過到中國﹑牙買加射十二碼個陣,拍短片就超唔清晰囉*
中國隊又輸左十二碼啦...唉:((失望!
不過俾我同PHOEBE 發現左國奧隊個門將都幾好 ** ^^
同我一樣姓曾嫁 hehe* 曾誠=真誠?
d球迷又改d球員d名
明明人地叫沈龍元 又話人地叫咩野守龍員﹑守門員
好啦...完左場波
同成班球迷行返落車站...個下感覺好正*好鍾意成大班同道中人的感覺
返到屋企都12點半啦...下年再睇**我要睇到hk捧盃!
係champion , not the third-runner up
2007-02-21
丁亥年賀歲盃
港聯2:2(十二碼 3:5)澳洲
中國0:0(十二碼 4:5)牙買加
今晚(2月21日) 在香港大球場上演兩場丁亥年賀歲盃賽事，頭場港聯與澳洲奧運隊激戰90分鐘後，雙方以2:2打成平手，最後澳洲奧運隊憑互射12碼以總比數7:5擊敗港聯，而尾場中國奧運隊和牙買加奧運隊90分鐘互無記錄，加時再戰仍然踢成0:0，互射十二碼牙買加在突然死亡階段以5:4險勝中國奪得冠軍。今天共吸引了13,564名球迷入場欣賞賽事，門券收入港幣$956,915元正。
頭場賽事由港聯迎戰澳洲，上半場開賽初段時間，澳洲首先採取主動搶攻，布歷治沿左邊推進至底線傳中，捷廸接應撞射高出。港聯站穩陣腳後開始搶回不少攻勢，先有安基斯個人突破射門，後有卓卓右輔位心口控定來一記窩利抽射，但可惜均被澳洲門將韋拉比接牢。37分鐘，布歷治沿中路推進至20碼起腳勁射，陳達燊撲出不遠，賓斯把握機會衝上執死鷄掃入，1:0澳洲先開記錄。澳洲最後保持一球佔先的優勢領先上半場。
下半場港聯再向澳洲施壓，可惜仍未取得入球，戰至66分鐘更被捷廸側身抽射破網，港聯再度失守，落後至0:2。70分鐘，港聯中路獲得一個罰球，後備上陣的李海强大腳斬向遠柱，法圖斯接應頭槌批入，港聯追成1:2接近的記錄。此後港聯士氣如虹，74分鐘，安基斯單刀射斜，未竟全功。76分鐘，布歷治25碼拉弓狂抽，陳達燊雙拳打出，後備上陣的華度錫衝上逗射高出。78分鐘，港聯圍攻澳洲，基夫接應蒙廸路傳中在禁區快射遠柱貼柱出界。82分鐘，安基斯在禁區遭奧多剷跌，搏得一個12碼，基夫操刀一針見血為港聯扳成2:2平手。補時階段，華度錫傳沙基斯再交捷廸抽高。最後雙方以2:2殺成平手，立即以互射12碼決勝負。澳洲布歷治、史丹利、沙基斯、奥多和華度錫5射俱中，而港聯只有基夫、蒙廸路和耶域治射入，但卓卓的12碼卻被韋拉比撲出。結果澳洲以總比數7:5擊敗港聯，奪得丁亥年賀歲盃季軍，港聯的蒙廸路當選為最佳球員。
冠軍爭霸戰由中國對牙買加，上半場4分鐘，中國先攻，呂建軍盤過菲力斬入禁區，于海頭槌轟門斜出。7分鐘，牙買加反擊，拜恩中路推進長傳左路的菲力，菲力控定大腳吊向右路，F.泰萊殺到撞射掠門而過。此後中國取得中場控制權，以兩翼快放圍攻牙買加。30分鐘，戴林於35碼施冷箭越野。34分鐘，于海左路出擊斬中，朱挺頂門，惜角度太正，韋廸加輕易沒收。36分鐘，中國再攻，苑維瑋離門25碼側身抽射遠柱，未中目標。43分鐘，牙買加F.泰萊罰球直射，曾誠封位一抱入懷。上半場雙方互交白卷。
下半場48分鐘，沈龍元楔入禁區命射近柱，韋廸加封位擋出。58分鐘，牙買加反撲，泰萊接應菲力開出的右角球飛身迎頂斜出。60分鐘，周海濱中路起腳怒射，史密夫門前頂出解圍。62分鐘，姜晨偷去牙買加後衛的腳下球第一時間抽射中柱彈出，痛失良機。63分鐘，中國左路獲得一個罰球，李微彎過人牆，韋廸加抝腰單手托出底線。64分鐘，李微在娥眉月勁射，韋廸加反應快飛身撲出，力保不失。最後雙方在法定時間以0:0賽和。加時上半場9分鐘，F.泰萊突破中國隊後防線，可惜射高。此後牙買加全軍退守，中國隊取得較多的攻勢，但仍未射破牙買加的大門。最後雙方以0:0結束賽事，立即進行互射12碼定勝負。結果牙買加列特、泰萊、韋廸加、龐馬和戴維斯5人射入，只孝芬里臣射高。中國只有周海濱、姜寧、戴林和楊旭4人命中目標，但有代欽華主射被撲出和萬厚良射失，最終以總比數4:5飲恨。牙買加登上丁亥年賀歲盃冠軍寶座。而中國隊的姜晨當選為最佳球員。
written by HKFA
http://www.hkfa.com/zh-hk/index.php
