2006年4月21號
天氣 熱囉
心情 好...好緊張
今朝訓醒左...用左好耐去做個星級閱讀計劃"
一日睇返晒十篇野!五中五英
初初做,嘩?!咁易ge?!好易拎到5分
點知俾佢厄左我囉!之後個兩篇英文得3分!
睇中文書仲可憐!"雙魚記"得兩分!?中文能力有d問題wor?!
點算?!唔講啦...真傷心
隻右手長期維持同一個動作,好累!血液不循環!
晏就食完lunch,就去Celia屋企
唔掛之得MUM唔想我出門口住啦,
原來佢想去訓覺,我去守門口,等AUNT黎!
好彩AUNT好快到!呵
上到亨緻,rin同金仲未到,得CELIA﹑KIT兩公婆...
咁我就睇多次個"清宮秘檔"先啦,因為琴日冇乜心機睇,
都唔夠資料寫...今日播埋,先知原來碟二有四﹑五﹑六集,
琴日淨係睇左第五集咋!!!
第四集幾好睇...講乾隆身世之謎!
第五集就係講和珅,好多人覺得和珅係好狡猾﹑奸詐,
原來佢係思路敏捷,多才多藝嫁!估唔到=.=
第六隻冇乜睇到,因為佢地黎左啦
一邊打牌,一邊聽"清宮秘檔"當背景音樂啦
就係咁,第六集講咩野都唔知道!
開雀局!第二鋪就食糊啦///心情唔錯!
之後幫celia﹑金做星級閱讀計劃!
差d做到好躁囉!加埋我自己個d,差唔多做左三十篇!
答左百五條問題
做完!之後繼續打牌,魏杰龍同黃虫上左黎,
嘈到嘔呀!不斷教金金點打!可憐!
佢地一走,CELIA講:靜晒!
大家都AGREE
好慘,打完一圈轉位之後,冇贏過囉!=.=
同埋打到好累!心情亦開始緊張啦....
最後一鋪,阿kit十三么---Celia出銃!
我見到O晒咀!
一萬﹑九萬﹑一索﹑九索﹑一筒﹑九筒﹑東南西北中發白
咁靚GE牌都俾佢食到!未見過囉!
埋齋!收工~1730清場!有時間...又copy Celia D 歌先...
應該係Share...我都俾返廿零隻歌celia呀!你慢慢聽呀下。。。
晏d就係international ge 世界!
同Celia急急買左個包
去到更衣室,見到郭靜同鍾楚琳
估唔到咁都見到fd wor...
國際好似好少人黎練波咁
之後先愈黎愈多人,同埋有d人係要會考
7:13分跑步,跑到7:20
之後拉筋...拋波熱身
同celia﹑娟一組,要扣球去到人地腰部,人地打返俾對方咁囉
之前見到d人好似唔勁咁,但係都做得好好wor
我地真係...
後來做體能,好驚訝!咁快做ge?!
個肚好痛呀!做唔到掌上壓!
體能少過屯青好多,淨係做一set!
之後做二人防守,原來我地連二人防守最基本要知ge野都唔知道
我淨係知人地去第二邊,我地補位!
補位?!原來呢個字我都唔係太了解嫁咋!
不過廖sir就教左我地啦!唔該晒!
我知點守啦!做左兩次之後,
唉**第二次係Vivian做trainer,
我地ge下手好差囉,,,我成日都好似俾唔到setter咁!
又有誤會*
後來break,廖sir同我地五個傾左陣,
佢話佢同Allen傾過,屯青亦都係太多人啦
[[黎國際我仲願意啦,近d﹑時間少d]]
我地可以繼續跟落去,佢要睇多我地一輪先
十月前同我地講,我地入唔入到黎打丙組,
佢地今日都黎唔夠人,因為聽日仲練習﹑
Form 5班隊友都冇黎練**
佢話我地都唔係太差,但係同佢地班隊友都仲係有一段距離!
呢樣我都明ge...我地真係微小...
之後係開波...15號個姐姐好肯教我地呀!
佢打甲一,,,佢係開跳躍球嫁!
問佢點開,佢叫我開好定點先wor.
咁又係,我依家自己彈下彈下ge跳躍式,
我自己都覺得好樣衰呀!我發覺得連普通ge定點都開得唔好囉!
基本功好差呀!以後打波-擊球要響前面!我要記住!
之後練接發球!又有d人開波...
佢地兩邊一齊做,不過二傳升高之後,鎚唔會打囉
我諗係兩邊都做,一鎚波就會省到人.
仲係,佢地係練緊接一傳囉。。。
之後係鎚波,,,中間打2.5,我都係打唔到嫁!
我承認我唔識打...我成日都覺得2.5好低呀!
不過係我唔識入位姐...返到蕭明要練好d啦,
我真係打得唔係咁好!
九點幾,佢地練跑樓梯,我地五個就走啦!
仲有半年!蕭明個度仲係熊仔阿sir呢...
今日,我又跟其他球會打波啦,我覺得我好似長大左啦!
諗返以前,響場邊打波.
之後同carmen﹑ying響球場打波.
入排球組.
入社排.
之後打c grade.
搵connie黎教波,我地打b grade.
經過左好多fdly.
大個左,有好多門路,今次仲玩去選屯青
不過心理上想選唔到,因為太遠啦,時間﹑金錢係一個大問題.
最後的確選唔到,不過Allen推薦我地去國際.
另一個好門路!我會繼續跟落去!
我有信心我會進步,我會入到國際嫁!
雖然今日ge我打得唔好!可能係最差o個兩個!
但係我好努力嫁!我會繼續吸收...我想學多d野
講真,跟到球會,真係幾開心囉,長大左好多咁!
如果我真係入到,我會好俾心機去打好波!
Keep住打蕭明﹑打國際﹑仲有讀書!
如果我真係入到,15歲入,我繼續由丙組去乙組,
由乙組去甲組,打到出黎做野打都得嫁!打到25歲都得呀!
哈哈!不過現實生活冇咁如意嫁!
但係我仍會努力!
有志者 事竟成
如果真係入唔到,我咪專心打蕭明!讀書!
零七年繼續幫GH打社籃囉!社籃個位都係我用一段時間賺返黎嫁!
十點返到青衣!見到肥哥哥佢地成班人打波....
愈來愈覺得佢唔高囉!以前佢好似好高
好sure kam﹑吹姐佢地高過肥哥哥!
見到佢地,又有另一個feeling
原來小學同學,除左我地女籃呢班fd keep住仲有contact
佢地都係嫁...
小學同學,都總係有親切感,o岩feel d”大家有好多回憶
今日為左睇"各世界出發"
我竟然可以響15分鐘裏沖完涼,
平時我用半個鐘o麻!我要同自己講:我得嫁!Hehe
今日見到佢,有總幾特別ge感覺!唔錯唔錯
但係....
今日同三友打牌,擺四友幅相,因為我深信EVA人不在,心仍在
文章定位：
