今日生日，，，Ｈａｐｐｙ Ｂ－Ｄａｙ ｔｏ ｍｅ！
琴日同Ｓｔｅｐｈａｎｉｅ傾ｉｃｑ，倒數生日，正！Ｔｈｘ呀，大家都為左倒數生日，太遲關機，俾人鬧～算啦，都值得ｇｅ～ｓｔｅｐ係第一個同我講生日快樂，第二個係羊肉，第三個５子君～我趁住琴日６月２號，１２：５４分鐘，諗住去ｄｏｗｎ一首生日歌，點知好多首都ｄｏｗｎ唔到，搵到一首，廢爆～
返學前，打波，，，超熱呀！返到課室，第一堂係公民教育～Ｍｒｓ Ｙｕｎｇ問我點解我咁大汗，我話打波，心諗：打波都唔得？！之後佢叫我去ｔｏｉｌｅｔ呀！我話唔制．．．．中間有ｄ野串佢～好似俾佢聽到～佢問我講咩野，我話冇野～（之後聽返Ｈｅｌｅｎ講，Ｍｒｓ Ｙｕｎｇ都有問佢～Ｈｅｌｅｎ又係勁想串佢囉）。Ｍｒｓ Ｙｕｎｇ唔知點解知道我地２Ｅ去Ｃａｍｐ～講左勁耐～之後去ｍｍｌｃ上十大健康網站！
中文堂，又係講我地去ｃａｍｐ單野～～～Ｍｉｓｓ Ｔａｎｇ講左個故仔～好慘呀！聽完真係想喊呀～（夜晚同陳琴講返呢個故仔，真係流左幾滴眼淚～）
Ｈｉｓｔ堂，去ｇｐ ｒｏｏｍ，我同Ｆｉｏｎ ｌｅｅ﹑Ｒａｉｎａ同ＭａｙＭａｙ玩ｔｒｕｅ ｏｒ ｄａｒｅ～知道左好多野呀！唔知係唔係我地呢邊太嘈．．．Ｍｉｓｓ Ｔｓｅ啤住晒。。。
ＥＮＧ堂，考Ｏｒａｌ，ｅｖｅｎ ｎｏ．我係ｏｄｄ ｎｏ，星期一先考～咁我同Ｂｅｋｙ Ｙｕｅｎ勁傾偈呀！講左好多野～正！
Ｍａｔｈｓ堂，ｑｕｉｚ，我部計數機禁唔到ｔａｎ個掣～問ｓｔｅｐ借左～Ｔｈｘ呀！但係做做下，又用到ｔａｎ喎～激死～份ｑｕｉｚ好易呀！但係ｂｏｕｎｓ個度，好似之前進位進少左，搞到最後個ａｎｓｗｅｒ係１７．７，Ｂｕｔ應該係１７．６～唉．．．差０．１～
放學，要練波，同校隊ｄ人買飯．．．買麵食．．．加餸啦，加左３樣餸，１９蚊，仆！咁貴ｇｅ？佢地個個都係１４﹑５蚊，我個度又大碗喎～唉．．．之後仲有甜品－－涼粉，真係多到死～勁後悔呀！食完之後，飽到嘔～
練波，打波做熱身之前，叫一次蕭明ｂｅｓｔ先～但係個個都好ｄｏｗｎ，之後我以為佢地再叫多一次，原來佢地係唱生日歌俾我～勁開心啦～好ｓｕｒｐｒｉｓｅｔｈｘ！～許願（其實我係祈禱嫁）．．．波ｔｅａｍ稱霸學界！之後又係練個ｄ野，上手啦，托波～抖夠啦，練左接殺～正！有幾球接得好呀！之後打ｍａｔｃｈ，我地有１３個人，ｏ岩晒我心意（佢地１２個人打，我吹波）上次練波都冇機會吹，今次有啦～佢地打１０分，係人地開失波，另一方得分，我吹左半場波，到Ｖｉｖｉａｎ吹～吹波好正！企響台上，乜到睇得好清楚～我打Ｖｉｖｉａｎ個位，開左７﹑８球，失左１球～唔夠力呀！Ｈａ鎚波失左兩球～
之後做體能～跑９分鐘呀，跑到第三個圈，抽筋，左右腳一齊抽呀～唉．．．頂住咁跑多兩個圈～但係見到ｉｒｅｎｅ都係抽筋，有人陪我一齊抽，咪過左籃球場坐低，Ｍｒｓ Ｙｅｕｎｇ幫我鬆返ｄ筋～好ｄ啦，咁跑埋淨底個ｄ圈數～我地要跑１６個呀！練完波，走人ｌｕ～唉．．冇時間影相～好可惜～想落葵芳影貼紙相，個個都冇錢～！
去左自修室～肥仔教左我一陣Ｍａｔｈｓ～之後佢同Ｊｅｒｒｙ搵我食飯．．但係冇去到～見到鍾太煮餸喎～好正呀！勁香～佢話係阿海叫佢煮嫁！阿海搵左我兩次食飯，唔想去～．．．之後阿Ｂｕ同曉芙再搵我，我先去．．．話鍾太叫，咁就梗係俾面鍾太啦～食飯之前，祈禱，許左幾個願望～波ｔｅａｍ同埋要考好個試～仲有一ｄ唔講得～佢地ｄ餸好好味呀！正！Ｔｈａｎｋ ａ ｌｏｔｓ～之後肥仔同Ｊｅｒｙｙ返黎啦～佢地去左買飯食～Ｊｅｒｒｙ爭燒鵝脾．．勁搞野～最後佢地話我生日，請左我食～唔好意思呀！Ｊｅｒｒｙ～
９點返屋企～同屋企慶祝～正！食生日蛋糕，好好味呀！鐘意士多ｏ卑梨～聽日本來去ＢＢＱ，但係好似天氣問題，唔好啦～咁就可能會約陳琴同詹詹出去～Ｈａ，，好ｍｉｓｓ佢地呀！雖則日日見～
今年生日，都係收到好多"生日快樂"～都過得ｏｋ快樂～食埋餐飯就ｐｅｒｆｅｃｔ！感謝主耶穌讓我平平安安咁過左１４個年頭～識到好多ｆｄ～學到好多野～要學會感恩～每樣野都係禮物～多謝Ｂｅｃｋｙ﹑Ｋｅｌｌｙ同金金份禮物！
Happy birthday to you
Happy birthday to you
Happy birthday to Fion
Happy birthday to you!
文章定位：
