唯獨白色的鮮花　會繼續優雅 Let me have a voice 　To sing with love　 From me to you

684愛的鼓勵 0訂閱站台

今日去左荔景打波～朝早６：１５起左身，但係要等媽媽走左，先可以去換３，因為佢唔知我去打波嫁，俾佢見到我隻手，仲會俾我去咩？！但係今日隻手，好好多啦～呢幾日用埋黃藥水黎消毒，所以隻手康復得快左。

我約左ｉｄｙ同ｓａｎｄｙ７：２０，但係我７：０５先換衫，冇計啦，媽媽好遲走。我搵左件３好耐呀！搵唔到，真係好激氣呀，死人頭呀！最終，都係搵唔到件３嫁，被迫著過第二件！唉．．．咁又未紮頭髮，又未執完野，搞到差唔多搭５先出門口．．ｓｏｒ呀～

咁我地約左Ｒａｉｎａ７：３５響荔景ＭＴＲｓｔａｔｉｏｎ，之後響地鐵站出面見到Ｅｖａ，Ｉｒｅｎｅ同金金響對面馬路，叫佢地一齊由天橋行去體育館。我地之後問返佢地，話如果大家見唔到，佢地會去邊，佢地話會去地鐵站喎～呀！大家好有緣呀～ｈａ～

去到體育館，換完３，一邊做ｗａｒｍ　ｕｐ，一邊傾偈，傾反日呀我地～幾愛國？！我地等左兩個字，等簽場，不過其實張飛一直都響Ｉｒｅｎｅ度，係佢唔知咋，但係我響ｃｈａｎｇｉｎｇ　ｒｏｏｍ叫左佢啦，但係佢聽唔到，算啦～

開波ｌｕ，我地第一場好唔認真，成日講笑～我地成日都係咁嫁！而且可能ｔｅｓｔ完之後，練過一日咁大把，ｄ水準都未返黎啦～之後鄭ｓｉｒ過黎訓話，我地第二場就好ｄ啦～Ｓａｎｄｙ開左好多球波呀～好勁呀！大家都ｇｏｏｄ呀！好好哇．．．我今日都有鎚波，，，，ＯＫ啦～不過不失～開上手，失左兩球，開下手，失左一球～要練練練呀！Ｄ下手要好ｄ好ｄ！

打完波，我地七個人，我啦，ｉｄｙ，ｓａｎｄｙ　ｅｖａ，ｉｒｅｎｅ，金金同Ｒａｉｎａ，仲有阿ｓｉｒ﹑ｍｉｓｓ去輕鬆一下食野～我同ｉｄｙ，Ｉｒｅｎｅ，金金佢地食麵麵，我地有叫檸茶，見到ｄ檸檬，最衰呢度唔係ｋ房啦，唔係真係想掟檸檬！，上次唱Ｋ掟檸檬掟得好興奮呀！一邊食野，一邊吹水，好開心！笑死呀．．．之後阿ｓｉｒ同ｍｉｓｓ走啦，我地７個繼續傾，傾得仲ｈａｐｐｙ～講人壞話，講下是非，講下"反日"～之後見到茶餐廳有個男人勁似阮兆祥呀！真係似到傻，不過佢肥ｄ，依家阮兆祥纖左體呀～個男人唔知係唔係聽到我地笑佢，同條女搬左去角落，但係我覺得應該唔係，佢係想同條女玩，唉．．．冇眼睇～佢響度搣佢條女塊臉呀～又響度打情罵俏呀～Ｓａｎｄｙ影埋相呀！算啦，兒童不宜，唔講啦～

食完野，坐完，Ｉｒｅｎｅ同Ｅｖａ返蕭明，我地幾個繼續行，去左書店，跟住又係行行行～傾傾傾～好開心，咁之後就同Ｓａｎｄｙ，Ｉｄｙ搭４４ｍ返青衣，我又要去整眼鏡啦，琴日打波，食左兩個波餅ｏ麻．．．同埋又要去買繃帶啦，今次係第五卷啦．．．唔知點解，繃帶愈買愈平，第一次買５蚊，第二次買５個半，前日買３個半，今日買２蚊，真係傻仔，平到噁喎！不過我一睇就知唔係彈性，咁就換左，有彈性ｏ個ｄ３蚊，咦！前日同一間買３個半嫁？算啦～不過我地應該有個發運使咁樣，控制一下物價～ｈａ～

返到屋企，唔侯食飯啦，因為好飽啦～好眼訓，成個星期冇乜好好咁訓過．．．訓左５個鐘咁上下呀～好好訓．．．

到依家，就申請過第二個日記啦～因為ｐｕｒｐｌｅｈｋ個日記，俾我整壞左，ｓｈｏｒｔ左～整唔返啦！你地可能發覺唔到有問題，但係我係板主．．．一睇就知啦～算啦，呢個日記都好好呀！我終於都等到可以同小吉，羊肉，Ｔｒａｃｙ同一個日記板啦～我有三個日記板都想申請，係ｘａｎｇａ，一個係ｕｈｈｏｏｈ，另一個係唔係知咩東東～但係ｘａｎｇａ好多人用，費是啦～咁呢個日記有得回應，有得ｐｏｓｔ相，仲有得自設背景～好好多，之前ｏ個個冇咁多功能～但係有得必有失，之前個日記總瀏覽次數有１０００幾嫁，，，，依家要重新開始，ｄ日記又要ｐｏｓｔ過～仲要冇晒ｄ回應，唉．．．．