DaDa 無聊日記 Chlocolate~ vanilla~ lavenda~ honey~ anna sui dolly girl~ anna sui secret wish~ sugar~ ....all are my lovely body jel and lotion

1,681愛的鼓勵 0訂閱站台

星期五,六...我啦,小小啦,糖糖同埋大佬Golium去左大佬o係大澳o既屋屋到玩左一晚...

好開心!

我地o係東涌搭十一號巴士去...

去到,一落車大佬就笑啦...哈哈!

嫲嫲呀!佢見到嫲嫲o係屋入面呀!

佢話之前打俾佢又冇人聽,原來佢又返左黎住幾日...

我地都係咁笑,咁我地今晚唔可以嘈啦..

一入屋,我,小小同糖糖係咁叫嫲嫲嫲嫲同爺爺...

不過小小係叫公公架...

人地都話係爺爺囉....小小成日都叫人做公公..

叫公公就唔係一對架啦...公公就要叫婆婆架...

Golium之後係咁話冇啦..要讓個位俾兩位老人家訓呀..

佢係咁叫我地訓地啦..佢好錫嫲嫲架!

哈哈!最後..係嫲嫲鋪左地俾大佬訓呀!

我地Settle down之後開始燒野食..就o係間屋隔離咋!

不過一開始我地就燒大佬推介o既德國大香腸...

一人燒左一條之後都飽左啦...勁白痴呀!

then我地一路燒一路玩啦..

小小又走左去踏單車...

大佬係咁話小小如果架車愈踏,車尾愈重,就叫佢唔好返黎住啦..

帶"佢"走遠d放低佢先好返黎呀哈哈...

佢返黎之後又叫我地唔好同佢講野扮見佢唔到...哈哈!

好低b!不過好好笑!

我又帶左小小去睇棚屋...因為我食到好飽要跑下步啦...我跑佢就踏單車去!

我地燒野食去到尾聲又係咁講鬼故......

哈哈!係咁講係咁講講到個心好寒,驚到有d肚痛....

有d鬼故又好好笑喎...

我,小小同大佬都有貨...

糖冇貨冇野講,好小可呀!

之後又講大佬中學打架事件簿,好好笑..成日都打!

我最鍾意男仔打交架啦...好似好man咁!

不過當然如果我在場可能又唔係咁講啦..見到自己識o既人打到傷哂!

打"親"人都唔係咁好啦!

講野講左成晚都唔夠...

返入屋仔沖完涼之後我地又問大佬d"MPF"同埋投資野又講左個幾鐘..

之後我同糖糖一齊訓又傾左兩個鐘...

搞到天就光成六點先有得訓...

其實都係驚見到天光先訓咋!

不過同糖糖又笑左成晚....

又O係到估大佬飲左杯水又係咁痾夜尿(原來唔係佢)!

又以為佢拍我地門....叫佢又唔應又以為有鬼(驚左一陣),原來係風..

哈哈!..好白痴呀!

我同糖糖係咁講野都唔知自己講左D咩啦...

總之就話要細聲D講...不過我地又激動到大聲叫同笑...幾辛苦呀!

真係搞左好耐我地先有得訓咋!

訓之前我去toilet,我開toilet燈...

發覺toilet燈冇著...

我照去啦!出左黎發現訓係廳到o既大佬塊面做咩咁光o既...

嘻嘻,原來我開左露台燈...

跟住我望住大佬笑左陣(因為我覺得自己好低b)..

點知佢突然醒一醒見到我對住佢笑...

哈哈哈哈哈哈哈哈哈!嚇鬼死佢...

以為係邊個..

哈哈~嚇親佢...好開心啊!