DaDa 無聊日記 Chlocolate~ vanilla~ lavenda~ honey~ anna sui dolly girl~ anna sui secret wish~ sugar~ ....all are my lovely body jel and lotion

1,681愛的鼓勵 0訂閱站台

我啦.可可宜啦,小小啦同埋糖糖啦尋日去左大圍紅mui谷燒野食呀!

我本來話等下星期我地refune先架!不過可可宜好想o係返工之前燒呀!

佢今日就返工啦!好啦...我地去啦...我地四個去一樣咁開心..

而家成日都係我地四人組合啦!哈哈!

我地四人買左四人份量o既食物就搭四人的士上去搵四人bbq爐啦!

我地叫小小跑落車跑上去搵爐先..佢幾乖呀...即去!我地大叫支持佢啦!

之後去到我地先見到有個板寫住原來o個到係有馬騮架...都有d驚!

好啦有爐啦..

隔離個叔叔提我地小心d..佢話d馬騮好快手專搶麵包同生果...

我即刻收埋袋包先...

初初我地都冇咩野冇俾馬騮搞架...

我地見d馬騮都好惡下...

三個細路用bb彈槍射佢地...我地已經叫佢唔好射架啦...

點知..我地睇住o個三個細路俾廿幾隻馬騮追噃落山..勁癲囉!

之後到我地啦...

自從我地轉左個陰涼位之後,有隻死馬騮就係咁睇住我地d野食...

我地初初都唔驚佢架..

點知佢衝左黎我地側面個垃圾桶攞哂d垃圾出黎..係到搵野食..

我地好嬲呀...係咁鬧佢冇公德心囉..我地呢頭放入去佢就倒哂出黎..

我有份係咁鬧佢架...

我同可可宜最大聲...

點知...佢唔知係唔係識聽...

佢走黎兇我地呀....

死馬騮...行到可可宜面前...兇我地...我地勁驚囉...已經攞哂叉...

我地勁驚佢襲擊可可宜呀..我地驚佢傳aids俾我地呀!(糖糖話會架!)

可可宜仲兇佢...佢即刻申手出黎搶可可宜身後o既麥記ketchup呀!

我地係咁鬧,不過,我同可可宜都話個心bobobobo咁跳呀...好驚呀!

哈哈!我地d女仔..得把聲架之嘛!佢睇人蝦架!

好癲呀唔驚人架!仲即刻食哂tim呀.三包呀!

我地即刻攞起哂自己d袋向後行...我地驚佢攞我地個袋呀!

我地仲有d ketchup都掉左!

癲架死馬騮蝦我地呀....即刻有個叔叔幫我地兇佢...

不過都冇咩用!佢都係繼續o係樹上睇住我地d野食...

好嬲呀..又好驚呀...搞左好耐先可以繼續燒...

死馬騮我地之前仲幫佢叫d細路唔好射佢地..

而家我好想用真槍射佢地囉!

好憎馬騮呀...兇我地蝦我地..憎死佢!