DaDa 無聊日記 Chlocolate~ vanilla~ lavenda~ honey~ anna sui dolly girl~ anna sui secret wish~ sugar~ ....all are my lovely body jel and lotion

1,681愛的鼓勵 0訂閱站台

中秋節...雖然俾可可宜放左我飛機...

我本來發悔氣唔出街架啦..

不過咁啱又有d野想做...結果忙左一日呀!

我訓醒食左半個麵包就出門口啦!因為我想起尖沙咀o既唯一麵家菜飯..

我要去食呀!

仲有鎮江小排骨呀!真係好食到呀.....我食哂...一粒飯同排骨斬冇剩囉!好飽!

之後我去中環搵呀queen queen..去maymayking呀!

嘻嘻!我去探佢同埋買左個好靚o既袋袋!同queen queen o個個差唔多架!

我好鬼鍾意maymayking間野,坐o個入面都已經好鬼開心啦!

又唔請我喎!請我我一定開心死!!

我行返去搭地鐵之前又去左中環行街街!係咁行outlet!勁開心...搵布呀!

又買左花紙啦!

之後,我又去觀塘搵鄒家琪..佢俾左四個冰皮月餅俾我呀!

有士多啤梨同奶黃味呀!奶黃咪就係之講o既半島奶黃月餅囉!

太幸福啦!

之後Daddy打黎話我返屋企放低D野就要出門口啦!

去重慶食咖哩呀!係Daddy最愛啦!

我地又成家去食啦!仲有佳佳tim呀!

我同Daddy Mummy搭巴士出去時差d暈左...

架冷氣巴士係冇冷氣架..仲有暖風出...

我焗到暈咁滯...Daddy就走去同司機講啦!點知司機好唔掂話站長check過有喎..

坐左十五分鐘,我好眼訓又訓唔到,真係好似去左地獄好熱呀!

好多人都頂唔順又上又落睇下樓下會唔會好d...佢地話下面仲衰..

跟住我Daddy忍唔住同我講"明明沖左涼出門口而家成身熱到濕哂!我去鬧佢啦好唔好呀?"

我話好呀鬧佢啦..佢咁好唔掂!個個都好辛苦!一陣佢自己熱到暈左撞車邊個負責呀!

跟住Daddy就好快咁落左去用平時鬧我地一樣咁大O既聲鬧到司機PK咁滯..

我地成車都聽到...

媽咪又落左去..

我附近坐O既人都落左去,佢地都未到站就想落車啦..因為大家都話太辛苦一定要落車呼吸下!唔係會死架!

跟住我都落左去同司機講我就快熱死啦..好辛苦呀!

佢係咁話自己都好熱唔關佢事係站長叫佢開車...

我咪話佢囉!佢開得呢架車就要負責任唔好話你都係受害者!你自己要CHECK清楚架嘛!


鬧左一輪司機都唔敢開車...佢再開車D人會熱死..

不過架車都到左佐敦啦!仲有幾個站就到總站!

我地都唔理佢咁多啦..鬧完落車寧願行兩個站好過等佢第二架車黎呀!

落左車..成條街好似開左冷氣咁架..好勁呀!不過尋日應該係好熱架嘛!

証明架巴士真係好唔掂呀!

今晚我地好勁..我地帶左10個冰皮月餅同3個蓮蓉月出去...

仲有一堆水果...

所以食完咖哩我地就去維園食月餅同水果賞月呀!

電視好似話月亮o係晚上9點09分最圓....我見到呀!見到應該係好幸福架!

我仲o係維園食完野就訓著左...係訓低望望下個月亮就訓左..

家姐細佬都訓左...

佳佳冇得訓..家姐唔俾呀...因為佢要做security佳看住我地同d袋!

Daddy Mummy就出左去睇花燈!

今日走黎走去好鬼攰呀!

今晚收到好多SMS同電話 O既祝賀!

多謝GOLIUM,小小,可可宜,康,FRED,KAT,子健,仲有LAM PAK.FANNY,鄒家琪,陳振明,KENIX同VICTOR!中秋快樂呀!