白羊座 (糖子)
你最好係： 你份人做事積極、非常有活力、在團體中屬於行動派， 只要你想到的，便會義無反悔地先作出行動，至於結果如何，只有天曉得！ 你其實又是勇氣和進取的象徵，不怕強權，亦不怕惡勢力，做事很果斷兼具自信，又有能力接受新事物。 對於你的朋友來說，你是一個非常有義氣的人，講得出做得到，交托給你辦的事， 一定不會失望。(係呀!似呀!) 要有一場可歌可泣的短暫愛情，你絕對是一個好對手，你的愛火辣辣得可以令甜心溶化，同樣地要恨一個人，三分鐘都嫌多。
你最唔好係：
白羊人好聽一點叫坦白率直，直接一點叫簡單，說話唔經大腦，所以常常禍從口出而不自知！加上自信心太強(你又係喎chris)，以為自己認為的便是真理，抵打！做人缺乏耐性、又易發脾氣(chris係喎）、做事又欠計劃、 又浮誇、又粗心大意……感情方面，無論你多大年紀，都希望擁有一個像童話故事般式的戀愛故事， 之不過得到之後，你的來得快去得快的愛情態度，真真令身邊的甜心擔心死！…… 唔認？ 當然，白羊人怎會喜歡給人這樣數臭，看到這兒，還不大罵：「都唔準！」（你有冇呀ｃｈｒｉｓ？）， 即時掉低此書者，肯定你是典型白羊人，恭喜，恭喜，以後睇書不妨淨係睇白羊座，因為其他月亮、金星、木星都唔見得好能影響你的性格！但承認有此缺點者，改者未為晚也！
巨蟹座(丁丁)
你最好係：在人生最失意的時候會想起誰？想多無謂，要數細心同溫柔，十二星座之中，別無 他選 ，一定是你！（不如你叫溫柔丁呀！） 你份人感情豐富又識體貼、得人鍾意之餘又樂於助人。對朋友義無反顧、念舊之餘更有情有義，屬於善於交際型。 （原來丁丁咁好架！）你的母愛多到滿瀉，所以選擇對象時，會有意冇意找一些孩子氣類型，方便你喜歡「湊 仔」的性格。 你的家庭觀念很重，對處理家頭細務更有一手。你的直覺強烈，富有同情心，想像力亦非常豐富，不過有時太過有想像力，反而會令自己變成情緒化，小心！
你最唔好係： 你份人太過感情用事，不但心腸軟，還會跟著感覺走，所以好易做錯決定！ 最慘你又情緒化，做事有點消極、加上喜怒無常（係呀係呀），做你的甜心一定要有定心理準備！ 有時你又會好敏感、多愁善感同缺乏安全感！（哈哈哈哈） 十二星座中（又係十二星座），最容易暗戀人的一定是你！因為你太害怕?定係心靈太脆弱， 所以你寧可自己一個人編織愛的童話，都唔願殘酷的事實破滅你心中所愛的形象！ 工作方面，你受軟唔受硬！（好明顯．．見丁丁想同ｄ阿姐報復就知啦！）客客氣氣叫做事，你必定做足一百分； 但如果order你強迫你做任何事，抱歉，你一定唱反調，仲要講句：我唔做，你估會死呀！ （咪係！）
獅子座(快琪)
你最好係： 人如其座，獅子乃萬獸之王，在十二星座之中，最係威係勢自不然是你。你個人非常有領導能力、具野心、組織力又強，所以常常都能成為群眾中的領導者。性格方面，你是一個樂觀、熱情、大方、自信、誠懇的人， 同你一齊的感覺，就好像太陽在身邊，暖暖在心頭。單睇外表，你給人很剛強的感覺，但內心其實不知多溫柔…… 揀朋友，你一定是別人的首選，你個人忠直又夠義氣，簡直無得頂！（好勁咁喎！） 揀甜心，揀你都正，因為你個人夠浪漫又專一、鍾意富有戲劇性的情節，同你拍拖，高潮泆起、驚喜處處，過程拍得住《珍珠港》，最多輸俾《鐵達》！
你最唔好係： 你太似太陽，太霸道、太過懶高貴、太過玩個人崇拜……， 似太陽的程度是：有時你的焰氣會辣死人，你的自以為是會迫死人！（會死人架？係唔係呀快？） 甚至你的好大喜功會令身邊的人激到生熱痱。 死要面、虛榮、驕傲、鍾意人托大腳等，好多時會成為你的致命傷。 缺乏耐性加上太喜歡指東指西的性格，令你身邊的朋友受不了！（又到你死啦！） 同甜心的關係，永遠都要你做主導，一家之主，逆我者亡，好鬼得人驚！不過最驚仲係你揮霍無度、自大、獨裁……，愈講愈似形容武則天、慈禧太后……。 （快唔會咁ｏ既！咁癲！）
處女座(小白白)
你最好係：外表無可否認，很多不是才子格便是佳人Feel，你總是給人乾淨整潔的感覺（好白囉！），另一方面，拚命三郎一定是你──特別在工作上，你份人腳踏實地、勤奮上進、努力不懈、做事有條理！所以無論在任何的團體中，你都能夠成為高層一族！ 無他，你常給人信心的標誌，所以很多時老師或老闆都放心把事情讓你一個人弄好！ 你對負責的工作很細心，並且小心處理，做事很有耐性， 對於一個完美主義者的你來說，絕對不容許事情有犯錯的機會！（全中囉！好野呀白白！） 至於感情方面，你總帶著一點孩子氣，有點天真，有點傻氣，有時真的激死人！ 但你的愛是忠誠的，特別是當他和你有利害關係的時候。（我信你係！）
你最唔好係： 因為太過愛整潔，所以很易有潔癖；因為太過細心，所以很多時變成小心眼； 因為太過追求完美，於是做每一件事都變成畏首畏尾，左思右想後才敢作決定。因為太過有條理，變成無休止的吹毛求疵！ 撫心自問，每次說話總是先批評，之後再批評，身邊的人真真氣餒！ 但並不代表你願意接受批評，對不起，你沒有這個氣量！ 份人又多疑，於是令自己長期處於不安的狀態，有時不免杞人憂天！跟你拍拖，又因為你太愛自己，所以通常都不懂為他人著想，對於你這種實際的人 來說，還期望你會花錢買紮花，食個燭光晚餐……，想到這?，未免又真的令人更加沮喪 ！ （我唔信．．唔準．．你話呢白白？）
天秤座(小敏)
你最好係：正義超人一定是你！（係呀小敏係勇士）你份人好愛公平，又鍾意同人打交道，永遠都希望個個人都歡 歡喜喜（勁似）， 所以那兒出現問題，你都會第一時間做和事佬去解決！（係啦）基本上你解決問題的能力不錯，適應力強、善解人意，而且通常著重結果多過過程， 所以只要能顧全大局，你都願意忍一下（又！），退一步海闊天空！對美的鑑賞力有別其他人，鍾意和諧，外型雖然不一定吸引，但總有其個人之處令你停下腳步來！ 愛情方面，你是一個絕頂高手，善於計劃及營造浪漫感覺，有「愛情殺手」之稱（好驚呀小敏．．．睇唔出喎！）， 但所做的一切，是真的出自真心，還是已經到了劇情需要一定要做的地步？就連你 自己也不大清楚！ （哈哈哈哈！好傻瓜！）
你最唔好係：每一件事你必須在天秤上左秤右秤，導致你做每一件事都變得猶豫不決。 每一件事你都想公平，奈何事與願違時，你又會輕易放棄。你善變、意志不堅定， 又容 易被人唆擺！很多時你想把事情弄好，所以會不惜代價將事情擺平便算！又因為太愛做好人，所 以好 怕得罪人！ 基本上你美其名是一切隨緣，實情是一個字──「懶」（係啦，，做野成日都偷懶），最好飯來張口再抖抖。 感情方面，你優柔寡斷，三角戀愛又或者一腳踏兩船的起因，通常都錯在於你， 不想失去一方，又不想另一方傷心，最後搞到一頭煙，三方都受傷害之後，你又會多多籍口，總知天錯地錯都不是自己錯！講到尾，你最叻！ （得左！）
天蠍座(婷子)
你最好係：你是一個很忠心及信得過的朋友！十二星座之中以口密計，你都算數一數二（我知呀！婷子係架！）！你份人愛恨分明，他敬你一尺，你必定敬回十米！你的直覺很強，洞察力亦不弱，很多時都能看穿別 人的 心，好厲害！工作方面，你有堅毅不屈、深思熟慮及查根究底的精神；做事有條理又勇於承擔，所 以乃老闆信心之選！ 感情方面，你天生便是性感女神，性感得來又熱情，在自己都不為意的情況下，已 經將身邊的人迷倒。（好勁呀！要學野啦！）你可算是一個專一的人 ──當你遇到你認為值得愛的人時（係勁專一囉）。 但你吸引的外表，通常都會惹來不少狂風浪蝶，定力足夠與否，完全視乎個別情 況！
你最唔好係： 悲觀很多時是你的致命傷！除此之外，你份人太神經質、疑心很大、小氣、容易妒 忌又好勝！ 可憐的是你太過愛恨分明，只要你認為他有負於你，定必死無全屍！（哈哈．．又中）做事太過理直氣壯，太過主觀，你認為是對的，就算錯了都要死撐到底！ 感情用事是你的強項，衰心軟是你最常犯的錯誤（又係喎！）。多情的同時，更嚮往一段段的地下情或畸戀（未見過你有）。遇到這些情況時，通常你的口是心非性格又會出現，但請撫心自問，有點被虐待狂的你，有時挺享受這種「得不到的愛情永遠是最偉大的！」變態感覺， 陳小春的＜犯賤＞最配合你的深情 。 （白痴架）
山羊座 (可可宜)
你最好係： 小心使得萬年船，每一個決定，你都不容許自己出錯！外表總給人打不死的強人感 覺， 出了名是工作狂的你來說，做任何事都會全力以赴，為公司做足一百分！（織野咋．．佢邊會做野架！）腳踏實地 得來 ，又非常負責任！堅守原則得來又重視紀律！賺錢得來又非常慳家！有做阿頭的領 導能 力得來，又有做員工的勤力賣力！（讀書懶得來又有運氣．．．打日記白痴得來又好鬼好笑！） 對於這樣的一個老好人，又有家庭觀念，又願意承擔，無可否認是做人甜心的首選！ 在你身邊，簡直有種極度有安全感的感覺！不過這種人通常要有十足把握，認為自己真的有條件能擁有一個家的時候才會結婚，所以屬遲婚一族！有心的麻煩等多兩年！（等下啦小舟）
你最唔好係： 你個人太著重傳統、太拘緊、太保守、太過現實、太過固執、太過太過個人主義！ 傾向悲觀的你，每件事都要按步就班行事，以致應變能力極低！ 另外外表雖然像超人，但其實內心極度缺乏安全感，怕人知於是更要隨時隨地武裝 自 己 ， 以免給人看穿底牌！對於常常要努力達到目標的你來說，大部份的時間都放在工作上（打日記同織野），身邊很多都被忽略了：朋友、親人、愛情、私人空間……，簡直是一等一的大悶蛋（佢咁話你喎！）！對於感情事，你是遲熟的一群，由於做人太過實際，所以要你來個燭光晚餐玩浪 漫， 你寧願加班加多七個鐘，看來更加應付自如！ （你唔係啦！）
雙魚座 (我呀!)
你最好係： 雙魚座其實是一個「很女人」的星座！給人的感覺是好感性！好有同情心！ 你的大無畏、捨己為人的精神，實在令人敬佩！ （講得我唔錯喎！）你外表優雅高貴，溫文有禮，跟你一起，令人有種很舒服的感覺！（多謝！） 直覺強烈，能預測未來發生的事情，記得好好運用!（知道）充滿藝術細胞的你，對任何有關的活動非常有天份，所以在這方面發展會發圍機會極高！（我知呀） 能與你拍拖是一生人中應該做的一回事，因為跟你一起走過的日子， 必定能感受甚麼是生活趣味，甚麼是被愛的幸福，當然還會徹徹底底地知道浪漫是甚麼 的一回事。（同我拍拖真係好啦！）
你最唔好係：
太過不切實際！你太過感情用事，又缺乏安全感，永遠只懂活在自己的世界中！ 尤其是理財這方面，更加是你的弱項。唯美主義的你，永遠都是理想先行頭，要靚不要錢， （冇咁癲呀？）所以很易被人利用你對藝術的熱誠。悲觀加上憂鬱的你，美其名是頹廢，實情是懶 惰！（哈哈） 欠缺信心加上怕麻煩的你，發生了事之後最好拖得就拖，瞞得就瞞，最好還有賴得就賴（我唸起我部電腦呀） 。 甜心吃了你浪漫的甜頭，其實都有很多功夫要做：閒時要鼓勵你，讚讚你（要啦！），分擔你的杞 人憂天， 頭一次甜心以為自己好重要，常常如是，真真令人有點吃不消！（唔好讚囉．．．巴閉！唔好鍾意我囉！鍾意我讚我係出自真心啦！唔使咁Ｏ既！）
文章定位：
