DaDa 無聊日記 Chlocolate~ vanilla~ lavenda~ honey~ anna sui dolly girl~ anna sui secret wish~ sugar~ ....all are my lovely body jel and lotion

1,681愛的鼓勵 0訂閱站台

係啦!尋日同黎威,JOE,KENIX佢地O係STANLEY BBQ呀嘛!

雖然係人少少,但真係好好玩囉!

其實尋日出門口之前已經有D雨,出左去仲…

我地都有contact過問燒唔燒架…

不過我同KENIX都話唔理架啦..燒呀..唔係唔燒呀…我地都括左出去架啦!

我出門口時黃爆我都冇理啦!唔可以約咁多次都約唔成架嘛!

得我地兩個都燒..不過我地知黎威同JOE都一定到啦!

好啦…我之前仲約左子健O係跑馬地俾野佢.仲有約左TOPPY o係Stanley俾生日禮物佢!幾忙呀..又落雨…勁趕呀!

好彩子健好啦…走過黎銅鑼灣搵我..勁gd唔使我多走一趟!

最後我都冇遲到啦!不過…佢地冇人準時到…差唔多一個鐘後先有人出現呀!哈哈!

我好好把握時間..走左去行赤柱大街…仲買左兩條十蚊褲..幾好呀!

係啦!之後我地攞住我地o既美食行去沙灘…我同Kenix都祈禱希望唔好落雨啦!

仲有..我希望可能霸到我想要o個個有樹擋雨o既爐啦….

最後我地去到…..本來o個個爐有人架..佢地走讓俾我地..仲有..冇落雨呀..

我地好開心咁透爐啦….真係thx god!

點知…哈哈!....一透爐就出事啦…我地玩到爆炸呀!

黎威點火時跌左我個打火機落火爐邊..佢地打算用筷子夾起..低夾唔切…

BOM一聲個打火機飛左出黎……..我大叫左聲…都嚇親講緊電話O既KENIX呀!

好啦!愛火花又玩完…但我地都叫透左個爐啦…開始落大雨..好癲!

但唔洗怕…個火..有我遮住,我..有KENIX遮住…其他野….黎威頂住!

仲有,最緊要O既係..JOE…好神勇咁走左去租傘!

佢勁好笑囉..落好大雨佢手持兩把太陽傘返黎..佢冇開住咁返黎…搞到自己全濕囉!

我勁笑..我話好似人地拍戲D男主角特登冒雨去買把傘借俾個女仔..自己唔開….搞到濕哂咁囉!好掂啦..哈哈!真係好似拍戲呀!我話:好浪漫呀!哈哈哈哈!

有傘又冇石座….原來係要用垃圾桶架…..

結果係JOE又抬兩個巨型垃圾桶返黎…我地就係咁….成晚俾個垃圾桶圍住BBQ啦!好開心好好笑啦!

我地又SAVE MONEY唔租阿伯一百蚊O既油燈..結果…..

我地O係黑MON MON o既地方..又被垃圾桶擋住…傻p入到黎真係行過都見我地唔到呀!

勁好笑!原來我地bbq地方o既外觀係好似一個垃圾收集垃站囉!

佢話佢都係走到過黎先見到原來有人燒緊野..但冇火囉….又冇咩光喎!

因為火低,外面見唔到架!

佢話又冇咩理由四個人燒野食一d聲都唔出(我地專登架!玩佢!我地仲全部人都整低個頭囉!)..

佢見我地唔出聲,又冇火煮食….都唔敢行近再望啦…

佢話想問我地燒咩囉..但又驚我地話係燒衣囉..哈哈!笑死啦!

不過佢行離我地幾步都仲有轉頭望我地..我地初初以為佢認到我地啦!又整低d自己個頭啦!

點知,佢話佢想睇清楚佢令轉面我地仲o係唔係到囉!佢要肯定一下!我地係唔係人囉!好好笑呀!

我地今次bbq好開心呀!係咁講野..我地仲為左我地o既中秋唸左節目tim!

就係”house shirt(PE衫)之玩火晚會啦”…哈哈!

我地本來想搞校服架,….不過唔方便出黎玩….校服我地留噃X”MAS BOBO家PARTY先玩….我地話難搵呀…我要搵噃我套好似女警o既冬季校服出黎先!

我地話仲可以玩制服之夜PARTY…仲有睡衣都仲得囉!好多野玩呀!

咁咪好開心….唔得..我要快D通知大家…起碼玩左中秋先呀!

有得玩,我同KENIX都勁開心囉!