DaDa 無聊日記 Chlocolate~ vanilla~ lavenda~ honey~ anna sui dolly girl~ anna sui secret wish~ sugar~ ....all are my lovely body jel and lotion

1,681愛的鼓勵 0訂閱站台

今日真係超攰呀！本來日記都唔想寫架啦！但當我諗起唔寫明天返醫院就冇野好笑，咁得就辛苦ｄ都要寫ｄ啦！仲大責任過今日miss叫我返屋企查書呀！

今日MISS做introduction,我地個個輪住釣魚．．．仲要係無間道咁釣，一個接一個，有時又一齊釣．．我地都真係合作無間！好辛苦呀！Miss一次過講太多野啦！我地出慣ａ＆ｅ唔慣聽書架！今日都算好難過啦！不過我地六口子一齊出又幾開心ｏ既！

今日第一日返PAED WARD,我同CAthy就開始唸星期四返Night食咩好啦！佢係唸整咩食，我係唸有咩好食！總之就係想返NIGHT "GATHERING”一下啦！成日掛住玩！

大家今日未到Lunch 已經好肚餓啦！SAlly又冇食早餐，我又唔舒服有ｄ暈，大家個肚又輪住打鼓喎．．．真係好餓呀！可可宜我好餓呀！於是ｌｕｎｃｈ都忍唔住要放棄自己帶ｏ既麥皮，CATHY都唔要自己ｄ菜，我地仲迫可可宜一齊唔好食阿媽煮ｏ既飯，大家齊齊去CANTEEN買飯食啦！我地仲叫可可宜明天早餐先食佢阿媽煮ｏ既飯呀！哈哈！唔好唔要咁衰呀嘛！佢又迫CATHY陪佢食佢今日冇食ｏ既菜喎，真係癲架，隔夜菜做早餐，仲要明天冇LUNCH時間，食死Cathy呀！唔餓死都疴死！我明天一定要阻止呢個悲劇發生先！

呀！今朝MISS估我地叫咩名時，佢問可可宜個可，係唔係”可愛”個可，我個心不禁打左十個冷陣，然後就好快咁唸到一連串”可笑，可疑，可恥，可怖，可悲”呀咁ｏ既詞語，”可咩”都好啦，總之我想同ｍｉｓｓ講佢一定唔係可愛個可，CATHY話係可惡個可，我都覺得好貼切呀！點知呀可可宜聽到話唔係呀，我係可愛個可呀！MISS你可以叫我做”可愛”架！．．．．．．好難受．．．我想死呀！低ｂ仔！

WIlson今期又好受MISS歡迎咁．仲有小朋友都叫佢做WILSOｎ哥哥或者"LO WAI"！好威咁喎，但咪又係要我地照顧佢！佢著GOWN連蝴蝶結都綁唔好．．．點解咁受歡迎架！好啦！等我同可可宜得閑就幫你幫下蝴蝶結啦！

至於謝SALLY，頭先睇帶睇到釣魚，釣到Miss叫我地叫你起身都真係搞鬼囉！你知唔知點解MISS見到你訓呀？之唔係我地見你訓得咁ｌｕｍ，大家都好奇怪咁望下你，大家一齊咁望，MISS又望下我地睇咩，咪見到你訓左囉．．．哈哈！你都好喎！你一醒就搭到訕知ｍｉｓｓ講咩！好醒呀！好似訓左都好留心咁！明天唔該唔好咁辛苦啦！好攰呀今日！

可可宜，你唔好再引我笑啦！你知啦！我一笑就會俾個ｍａｓｋ出賣，因此佢包唔住我個酒粒架！走左出黎就唔係幾好意思啦！