DaDa 無聊日記 Chlocolate~ vanilla~ lavenda~ honey~ anna sui dolly girl~ anna sui secret wish~ sugar~ ....all are my lovely body jel and lotion

1,681愛的鼓勵 0訂閱站台

我地今日未放工就plan緊放工有咩搞作,呀..........!不如就去完成我同可可宜o既心願去捐血啦!上次我地同cathy去過捐唔到好失望啦!因為太多人啦!所以今次一定要捐到!不容有失啦!我地今次o既捐血團仲有新成員wilson同周小舟先生tim!好開心啊!

去到捐血站,我係第一個團員去見呀護士長架!我仲鬼死咁緊張好怕佢拮手指驗Hb會拮到好痛,仲諗緊平時就拮得人多啦!今次唔知可唔可以自己拮呢?個腦唸左一輪野...結論係見到護士長..佢話我未到期,過兩日先可以捐...我真係灰到暴呀!唔制呀!又冇得捐!我冇可可宜都冇得捐架啦!(因為上次我地係一齊捐架!)好灰呀~我要飲野,我要飲咖啡,我要飲美綠,我要捐血呀!唔可以咁架!佢地個個都可以捐,最想捐o個兩個冇得捐!

我嘈左一陣大家都去哂捐血啦!得噃我同可可宜o係到睇住d袋!我地好悶呀!我又想飲野喎...跟住..一件可怕o既事情就發生左啦!..可可宜好突然又好鬼異咁話,"冇野做,不如我地食碗仔翅呀!"我初初係以為佢想食碗仔翅想叫我同佢落去食架!誰不知佢申手o係袋到一攞就有一碗碗仔翅出現啦!真係好鬼邪!估佢唔到呀~

我同可可宜攞住碗翅笑左好耐,我問佢做咩有碗咁o既野架?佢話係頭先周小舟買俾佢食架~佢話呢到食得野架嘛,(因為呢到有餅食)咁我地不如係到食碗仔翅啦!真係好攞命呀!我話好呀!不過唔好咁揚喎!哈哈!我地攡住碗碗仔翅笑到振哂,係咁講你食先啦!你先啦!推黎推去!我地唔係唔想食,係笑到手振食唔到.因為我地都覺得o係捐血站兩位冇得捐血o既姑娘仔背住ic係到食碗仔翅的而且確好低b!我地仲要影相留下最動人一刻(當然唔敢開閃光燈啦!)!好癲呀!anyway,最後都食哂碗仔翅!可可宜仲幫我搵周先生攡左杯咖啡俾我tim!個staff見到我飲左周生杯野仲同我講不如俾多杯我.哈哈!大家真係好!今次黎捐血本來有d唔開心因為捐唔到,最後因為可可宜o既碗仔翅令我地留下快樂o既回憶!

至於周先生,佢今次捐血係第一次捐血..真係要讚下...可可宜,如果唔係識到個咁好O既姑娘仔女朋友佢都唔可能做D咁有意義O既事啦!哈哈!佢都要讚O既...血始終都係佢O既,仲有佢好好咁幫我攞野飲同買左開心碗仔翅!都好叻呀!

CATHY同學就唔得啦!條VEIN咁幼學人去捐血!搞到要做運動先捐得!好蠢呀!哈哈!

WILSON就...慢囉!我走佢都未捐完!佢都係小心D啦!我怕佢會暈呀!哈!

至於我同八咩可可宜,星期一..OR今個星期要再捐過血啦!唔係我就唔甘心架啦!得要捐血呀!好有誠意架!