24h購物| | PChome| 登入
2005-12-24 01:17:30| 人氣50| 回應0 | 上一篇 | 下一篇

好想痴住你啊...

推薦 0 收藏 0 轉貼0 訂閱站台

冬天好凍...
不過有一樣嘢好好玩!就係靜電啦...真係好好玩嘎!
我同豬仔都發覺我哋兩個啲電特別犀利...電到痹曬個只喔!
我就無咩感覺...不過豬仔好驚!勁驚阿............
我哋連kiss到電到...好好玩!咁我哋玩俐搭俐,都電到!好誇張阿!
一齊行街佢又話我電到佢只腳!成日都電到塊面同手指.我哋真係好過電阿嚇....
好搞笑..連豬仔都叫我將呢件事寫上日記度!!

今晚我哋係度玩部即影即有...好過癮!好開心終于都買到...
我哋要一齊影好多靚相啊!呵呵...

今晚豬仔同我去佃傆食日本菜...好開心!!!因爲佢應承我嘎嘢有做到!
例如一齊打邊爐阿,去香港啊,去食日本菜阿...雖然仲有好多未做到,我慢慢等你!
我已經好似阿sa咁mark低曬嘎啦...
今晚一邊食飯一邊傾計...突然間覺得大家都大個咗...
我哋傾嘎話題竟然係關於工作...你仲講得好起勁... ...好認真,好專注,好吸引..
我哋大家都覺得兩個一齊成長咗...同以前好唔同!
由大家初三係埋一齊...怕怕丑丑...熱戀,過渡期,哎交,分手.係返埋一齊...
到我高中..剛剛係返埋一齊,你就去咗加拿大...跟住大半年時間都見唔到...呢半年時間又發生咗一啲嘢...之後到你返黎,返咗年半..我哋好似重新開始過咁!發覺真係好中意對方嘎!兩個都傻傻哋...傾埋曬d無聊嘢,做埋曬d無聊嘢..其實好開心!個陣我讀緊高二...個年半我開心到暈...因爲係好無憂無慮...雖然有唔開心嘎事情發生過..但係開心嘎事情比較多!到你第二次返加拿大...勁唔開心,好唔捨得,當時你發比我嘎sms我都仲keep住.我喪喊...搞到你都喊埋!我第二次見你喊啦...個陣我讀高三!原全無曬心機...仲要傻到因爲我未有身份證而送唔到你機!我好想撞墻死嘎當時...你2家姐話我當時瘦咗好多啊!你走咗年幾都無返黎...我哋日日keep住傾幾個電話,其實都好sweet嘎...成日係度計劃將來,又諗返以前!其實傾咗年幾電話..真係乜都傾曬...但係日日照舊傾倒唔捨得收綫!因爲之前發生過種種嘎事情..大家一齊相處過,經歷過...所以大家都好珍惜大家,但係都傻嚇傻嚇咁...我哋兩個都好似細路仔...!到你返黎...我開心到暈!我專登請假去接你...跟住一齊做曬所有係電話度話想做嘎嘢...陪你返鄉下...去旅遊...去廣州食嘢,買嘢!...好開心!!!我知道你都一樣...唔開心嘎事已經過去,"不開心的事我一一忘記"...跟住就到依傢..我讀緊大二!而你就返屋企公司學嘢,幫屋企人手!唔經唔覺我哋係埋一齊已經4年零11個月拉..下個月我哋就5周年啦!
係咪好快呢...諗返以前,所以我覺得依傢我同你都大個咗囖!(雖然你成日都唔認自己係20嵗!)...以前傾無聊嘢,依傢傾工作,工程.大計...呵呵,好犀利阿!
不過我哋依然都係傻嘎...

我唔開心啊...聼日就要返學校拉!聼日就係平安夜啦...聖誕要係廣州過!痴綫嘎!
我已經第三年唔可以同你一齊過聖誕啦...
不過你話等我返黎補返我就開心番啦....!!!

我要檢舉
台長： FeLeFatFet

您可能對以下文章有興趣

人氣(50) | 回應(0)| 推薦 (0)| 收藏 (0)| 轉寄
全站分類: 不分類

TOP
詳全文