食相與性篇 : 食相擒青床上餓男＠有緣居士

2008-05-26 22:10:18| 人氣148| 回應1 | 上一篇 | 下一篇

食相與性篇 : 食相擒青床上餓男

推薦 0 收藏 0 轉貼0 訂閱站台

正所謂「食色，性也」，食欲同性慾都係人與生俱來嘅本能，兩者間有着密不可分嘅關係。有心理學家指出，從一個人嘅食相，唔止可以顯示出其性格及待人處事態度，仲可以窺探出床上態度。所以姊妹們同心儀男士歡好之前，就要多留意對方嘅食相喇！

好多時，從一個男人嘅外表係睇唔出佢嘅床上態度，例如男方平日文質彬彬、風度翩翩，但喺床上可能變成一頭餓狼，表現猴擒，兼且態度粗魯都未定。所以如果姊妹們喺歡好之前，可以預早知道男方嘅床上態度，咁就自然好辦事喇！原來從一個人嘅食相，就能夠窺探出對方嘅床上態度，既然係咁，姊妹們就應該約男方食多幾餐飯，留意佢嘅食相，從而知道佢嘅「性」格同自己夾唔夾喇！

狼吞虎嚥性慾強
有啲男士嘅食相，真係不敢恭維，見到乜就食乜，仲大啖大啖咁咬，有時仲食到嚼嚼聲。咁都未算得人驚，有啲男士餓起上嚟，連刀叉筷子都唔用，索性用手拿取食物，認真「那渣」。

不過，心理學家卻表示，呢種食相猴擒嘅男人做事講究效率，容易事業有成。至於床上態度方面，呢種男人好容易被挑起情慾，而且想做就去做，任何地方都可以作戰場。當埋身作戰時，往往將馬力開到最大，利用強而有力嘅衝擊，務求能夠以最短嘅時間內達到高潮。仲有，呢種男人往往唔係一招了，皆因佢哋精力旺盛，當慾火燒起上嚟，真係一發不可收拾，隨時激戰兩三個回合先肯罷休。

溫文爾雅愛浪漫
有啲男士食相好斯文，仲會慢慢咀嚼，細味品嘗美食。有啲甚至連餐具都好講究，享受唔同嘅美食，使用唔同嘅餐具。

據心理學家指出，呢種男人係完美主義者，做任何事都有條不紊。至於床上態度方面，佢哋喜歡喺睡床上開戰，而且事前必定會換上新床單，再播啲音樂同燃點香薰蠟燭，營造出浪漫氣氛。

講到床上表現，佢哋一樣咁溫文爾雅，享受每一個動作帶嚟嘅快感，所以佢哋每次都會花好長嘅時間作戰。

小心揀選對象
從食相得知男士嘅「性」格後，姊妹們喺揀選對象時都要留意，咪以為自己「大食」就揀個性慾強嘅男士就得，皆因呢種男士通常都係飢不擇食，分分鐘你啲床上姊妹會有一籮籮。

假若你係熱愛自由嘅人，咁你又唔好揀愛浪漫型嘅男士喇，事關呢類男士大多都係佔有欲強，畀對方知道你對佢不忠，一定會即時提出分手。

講到咁，可能令姊妹們覺得更加難揀選合適對象。其實，心理學家只係以極端嘅類型嚟講出大方向，令人了解行為背後嘅內在思想而已。所以姊妹們要仔細觀察心儀對象，免得「揀錯對象上錯床」

我要檢舉

台長：有緣居士

您可能對以下文章有興趣

面相與性篇四 : 額角飽滿床上主動

命理篇之看一看出生月份看否見貴人來

健康保健篇 : 高血壓拒服藥35歲壯男半癱

健康保健篇 : 代糖　肥胖人士恩物

人氣(148) | 回應(1)| 推薦 (0)| 收藏 (0)| 轉寄
全站分類: 不分類

回應(0)