@~Emmanuel~@ @~Emmanuel~@ Everyday, everywhere, every minute, every second...... Where Love Flows, Happiness Follows It only takes a few seconds to open profound wounds in those they love, and it takes many years to heal them......

119愛的鼓勵 0訂閱站台

星期日跟wellon面對面交談時, 佢話我知, 當日我唔聽佢電話, 令佢感到很無助, 不知可以怎辦. 於是佢攞o左之前慧卿姐俾佢o既福音單張, 同埋佢個基督徒朋友寄俾佢o既"四律"o黎睇. 佢話佢作了四律中的那篇禱告. 當然...問多兩問就知佢唔係真係禱告決志la...... 不過當時佢request, 想我同佢講多一次四律, 並且約o左星期二, 即係今日, 上午o黎我屋企同佢講.

由星期日開始向主禱告, 問了許多問題, 亦為著wellon信主, 與及我倆往後的路去禱告; 直到昨晚, 讀罷之前那篇靈修文章, 我開始唔再向主提問任何問題, 只有為著今早的時間禱告, 並且------靜默......


今早有人遲大到, 幾乎俾仇敵有機可乘... 幸好我無發脾氣叫佢索性唔好o黎......*.*"

我一路講, wellon間唔中都會問一d 問題. 去到禱文時, 佢話禱文合佢心意, 但一問到佢願唔願意作出這樣的禱告時, 佢靜o左落o黎... 然後問o左一連串問題......

老實講, 我可以答o既都盡我所能答了, 但當然不一定答得令人滿意. 更何況, wellon不敢作出這一步, 跟本就是缺乏信心, 與及一份感動...

然後佢問o左最後一條問題

"你是怎樣信主的?"

....................................

昨日跟阿劉禱告時, 阿劉都有為我向主祈求, 求主賜我勇氣去向wellon講我的見證, 因為阿劉知道有些見證, 我是不太願意去講... 並不是因為那些見證不可信, 而是... 那些見證會令我感到難受......

當wellon去問我這條問題時, 我pause了一會, 然後問番佢: "你真係想知...?"

佢點頭

於是我心理喊了一聲"主啊!", 就開始去講我點解會信主.
我所講的, 跟我受浸時所講的是有分別的, 因為受浸時, 有許多"background information"我係無交代到... 今日當我去講那些"background information"時, 我知道, 係主在加我力量.
我才剛開始喊, 你就跟住喊埋一份......

"對唔住! 如果我知道呢d事情令你咁痛苦, 我一定唔會要你講ga!!"你攬住我, 哭著說.

我會講下去, 因為這是主給我的經歷, 為要讓你看見神在我身上顯出的愛與作為.

講到某個位, 你跟我說:

"我想禱告(決志)"

就這樣, 於27/6/2006, 中午十二時多, 你決志信主.

感謝主... 衷心感謝主...!


這不會是個終結, 而是一切的開始.

願主繼續拖帶.
並盼望各位親愛的為他的靈命成長禱告, 謝謝你們.