過往三星期的日子忙得要死~~~~ 等我打下發生過d咩先~
(31/5/2006)
一早同wellon去朗豪坊睇[posseidon]. 之後去海天攞位同佢o既爸爸, 媽媽, 大家姐(媚媚) & 大姐夫(阿龍)一齊飲茶~ 第一次正式見家長ar~~~~^^” 飲完茶就陪uncle, auntie返屋企先, and then再同wellon一齊返我屋企食飯做節. (well... 我到依家都唔知點解端午節都要做節law...=___=??)其實wellon一早就要我去見家長, 但我又唔想咁快wor~ 點知ar阿媽前一日打電話叫我叫埋wellon o黎做節wor~ 咁... 咁就一次過見o酉去la~!
食完同媽咪, ann(媽咪o既代女) & wellon一齊玩波子棋. 有人要行”外母政策”, 結果輸o左俾我...... 嘩哈哈哈~~~~~!!:p
(1/6/2006)
auntie尋日飲茶已經叫我去一齊食晚飯ga la, 結果wellon今朝話我知, auntie尋晚仲o係o度整緊d餸...... 既然佢咁用心整呢餐飯, 咁我無理由推ga ma... 之但係... 我個ethic present仲未搞掂... 結果放學之後要去wellon屋企準備個present & ppt. 今次無阿龍一齊食, 但就有埋二家姐一齊食~~ 嘩~! 勁多餸ar~~~~! 個炸魚球好好食ar~ 二家姐話我都應該幾鍾意食炸o野, 我話係, 跟住媚媚話相信我o黎親都會有炸o野食, 因為阿龍都係好鍾意食炸o野. 話口未完uncle就話下次我o黎就整炸雞翼...... 哈哈.....^^”
飽死o左......~~~~~
(2/6/2006)
am off. 作ethic present o既最後修改. 一早橫風橫雨. 竟然紅雨都要返...~~~!! 好過份ar~~!! 我決定係著拖鞋出門, 求其帶對鞋返到學校換就算~ o係加士居道勁踩水”tum”, 返到去見d同學對鞋&腳濕o酉, 忽然好慶幸自己有鞋換之餘, 仲帶埋毛巾抹腳, 兼且有埋衫換~! 犀利~~~!!
(4/6/2006)
做bereavement present ppt
(5/6/2006)
趕thur o既中醫present ppt俾阿sir過目. 超辛苦. 我都未試過做present ppt會做到想喊law...
”好想飲泣偏偏今晚尚有工作”......
(6/6/2006)
am 上last ethic lecture, 本想聽mark lam講書, 但因為未做好bereavement個script, 於是要中途走出去poly room o度打script.
結果... 到present o個陣因為時間關係, 我o個part 俾死人carman 飛o酉...... 搞錯... 我o係好有限o既時間裡辛苦做o既present, 你竟然話飛就飛~~!! 我連thur o既ortho test未溫完都做你個present ar~~!!!
放學. 我呢兩日已經唔夠瞓同好大壓力ga la, 仲要俾碟炸雞翼同埋canteen 一個好串咀o既阿姐激到我勁嬲~!!
已經一早叫wellon走唔好理我ga la. 我都話我要空間去嬲ar~ 我一嬲就好容易講說話hurt到人, 之後自己又會好guilty... 我唔想咁ar~ 你唔好o係呢個moment出現o係我身邊la~~~~~
結果... 你食o酉la......
搭車o個陣即刻覺得好guilty... 於是走o左去買材料煲南北杏雪梨雪耳糖水俾你聽日飲. 我記得你o係CPH時話過俾我知, 你鍾意飲呢種糖水~
(7/6/2006)
你當然估唔到我會煲糖水俾你飲la... 哈哈哈~~~~^.^
今日... 內鬨... 好得人驚
o係poly room睇住鬧與被鬧, 場面好恐怖... 我做口形同躲在後面o既gela & cammy講:”我...好...驚...ar...”, ”我...好...想...走...ar...” 其實一開始我都已經唔係好敢入poly room witness ga la... 之後走o左去toilet氹人. 見到朋友仔喊得咁悽涼, 真的好心痛......
成件事...... 唉~~~ 總之背後有個好core o既問題, 你... 諗清楚佢la. 今次呢件事只係一個迫使你要去正視背後問題o既event.
但諗還諗, 我好希望你可以從今次呢件事去睇清楚, 我o地咁多個都係鍚你的. 你唔好再係咁否定la.
(8/6/2006)
ortho test竟然無想像中咁難. 其實係難的, 只不過我一直諗住自己會寫唔到o野, 點知又答到d o野wor. 答中幾多我真係唔知, 寫滿o左份answer book已經要大喊”感謝主”la~!!^^”
跟住中醫present. 我o地o既present都幾爆笑, 又有points. 阿sir俾75/100分. 我覺得... 阿sir俾分真係好手緊...=___=” 我始終都覺得自己用eng present係好過中文present好多, 連jasmine都係咁話~!
放學. 俾你激嬲, 然後演變成我俾你迫得好辛苦... 辛苦到忍唔住喊o左出o黎, 嚇到你好驚... 其實... 我幾乎想嗌”分手”ga la......
排骨仔話, 吵架亦是一種溝通方式......
夜晚打電話同你”賽後檢討”
解決了.
[下集續]
文章定位：
