(13/5/2006, sat)
今日食完最後一次藥, 之後一早就走o左去買生日禮物俾candy & jessy, and then好趕咁去沙田join candy, jessy, alice & 琪琪~
好開心ar~~~ 終於都見到琪琪la~~~~ 幾乎成年無見呢...
"例排"去o左元綠o度gathering~ 一齊傾偈真開心~ so good~!!
之後又好例排咁一定要去影貼紙相~~~ 哈哈~~~ 好玩ar~ 好玩ar~
病完之後去玩認真痛快~
最後去埋麥當當食雪糕, 我就同alice走先, 佢返屋企我返church~
今日emmanuel查經大家勁傾, 好好ar~
完o左就"食飯團"... 哈哈哈~~~~ 同roy哥哥, 阿萱, simon, 志偉 & 德姐去houston. 食o左完全無牛排testure o既牛排......=______=""
今日無人打電話o黎, 樂得清淨~
原來嬲你可以令你唔敢打電話o黎...
咁keep on嬲你, 又幾好wor...~~~~~!!
*****************************************************************************
(14/5/2006, sun)
今日係母親節. 好難得咁返到擘餅~~~!!*0* 犀~~~利~~~~!!
之不過呢...... 好辛苦ar... 個人又開始暈la...@_____@
出門時送o左份"頭盤"禮物俾阿媽.
佢收到o個下... 都唔知應該開心定唔開心... 哈哈......
唔駛驚, 仲有個"主菜"未送~:p
擘餅都係d阿哥阿姐級開聲禱告, 幸好後生級o既有我做"代表"... 嘩哈哈~~~
大家擘餅真係要多d開聲禱告啊~!
講道, 慧卿姐結尾時quote o左貝多芬的一句說話:
"當我呼喊母親的名字, 而她又能夠回應我時, 我就是世界上最幸福的人"......
當下好想打個電話俾阿媽......
完o左主日本來話練歌o既, 不過因為太少人, 所以都係無練到.
咁我就去o左荷里活廣場買"尋著你的那天"o既歌譜. 尋日roy哥哥俾o左首歌我聽, 我勁鍾意d歌詞ar~~~~ 於是就... 忍唔住要去買歌譜la~~~~^^
and then去"泰棧"訂位, 點知full o酉. 再去埋"洋食居酒屋"訂位,訂到, 不過家姐唔鍾意呢間... 咁我見有時間, 就索性去埋九龍城"搵食", 順便探下阿嫲.
阿康好衰咁批死我一定訂唔到位... 點知我一去"泰農菜館"就即刻訂到law~~~~ 啊呵呵呵呵~~~~~~:p 訂完位就去陪阿嫲la~ 嘩~! 初四開始都無搵過佢la~ 實在太忙la~~~ 佢見到我好開心ar~~~ 哈哈~~ 陪佢食埋晚餐, 先到我o地一家去食~~
"泰農菜館"其實之前已經想食ga la~ 不過上次同o左annie佢o地去o左食越南菜~~ 所以先無食之ma~
雖則話訂o左位, 但都等o左成半個鐘...
之不過呢間o野d o野食真係好得~!
我o地四個人叫o左秦普洱燒魚, 炸蝦餅, 辣椒羔炒青口, 泰式炒通菜, 椰汁海鮮焗飯, 冬蔭公. 全部都好好食ar~~~~!! 尤其係個燒魚, 真係有好香o既普洱味ga~~~ 仲諗住d o野食會好辣, 但又唔係wor~~ 食得都幾舒服~~~ 食完個男人仲offer o左四碗free椰汁西米露. d西米露好good ar~ 有埋椰青肉o係入面ga~ 最後埋單都係$415.8, fair ar~! 四個人捧住四個大肚dum走~~~ 哈哈~~~ 下次有機會都要再去呢o度食~~~^0^
食完去o左睇中醫......
其實係阿媽睇先o既, 跟住家姐睇埋一份, 最後阿媽叫我睇埋...
都好, 暈o左咁耐, 都係時候睇下中醫la~
醫師話我"肝火濕熱", 一個字------"虛"
執o左兩劑藥, 之後要o黎覆診.
我話好怕苦, 之後個男人俾o左"成排"山楂餅俾我...~~~~
又幾好wor...~~~~ 呵呵呵~~~~^^"
醫師話要戒口, 唔食得d酸辣濕熱o野, and then我同佢講:
"好彩我o岩o岩食完先o黎睇你o者~~~"
hehehe~~~~^^"
希望d中藥有用la......
夜晚送埋個"頭盤"俾阿媽, 佢好開心ar~~~ 呵呵呵~~~~^3^
文章定位：
