昨日一早去余仁生藥廠visit, 一入去就聞到好勁o既中藥味, 吸多兩啖air, 連個口都苦埋~~~!!誇張得很...@___@"" 臨走有souvenior------一盒十六粒裝的"川貝枇杷糖", 味道conc. 得很呢~~~
之後同cammy, elaine仔 & 阿雯去o左灣仔唱k lunch~~~ and then就返church.
返去o個陣... 心緒不靈...... 很感恩的一入到門口就見到姊妹, 於是o係R3開始同姊妹交通, 禱告. and then emmanuel------大祈~! 之前好想跟弟兄姊妹分享但就唔知點講, 亦諗唔到機會. 而剛巧團契週會就係大祈~! so good~~~!! 仲要分組分正同慧卿姐一組tim~~^^
跟弟兄姊妹分享完之後, 無再咁煩惱lu. 大家一同為教會禱告, 真好~!
晚上跟roy, simon, jacky & "da姐"(^.^) 食dinner~
等車返屋企時收到女友的電話. 呢個時候收到你的電話真好, 謝謝你啊~~~! 跟你聊了很久, 好耐都無試過la~~~ treasure you my friend~~~~^3^
然後...
你打電話o黎......
因為咁o岩同女友講起你, 諗起你講大話呃我, 我就不能自己的唔開心起上o黎...
是的, 我唔會講大話之餘, 更加憎人講大話. 你問你幾時呃過我...
"你講大話... 你又話當我係朋友, 但你根本對我唔止朋友咁簡單......"
然後
你終於都承認, 你......
"我唔想你對我特別好, 可以嗎...?"
你說: "咁我鍾意你ar ma~ 咁自然想對你特別好ga la~~"
我同你根本唔能夠o係埋一齊, 跟你那一個鐘頭的對話, 令我難為得很......
我同你唔夾ga
我唔值得你咁錫我ga
我好多缺點根本一d都唔討好
我要我的另一半係一個基督徒, 並且唔係"掛名基督徒"
我成日發脾氣你同我一齊會好慘的
我唔o岩你之餘你都唔一定係o岩我
我唔會追車唔會跑步什麼都唔會跟你"同步"
我有教會生活我無時間俾你
我係一個ordinary得o黎又唔係真係好ordinary o既女仔
我都會鍾意俾人疼, 俾人氹; 但當我最唔開心最失意時, 我需要我的另一半能夠跟我一同向神禱告
我唔想講你有咩係唔o岩我, 因為我覺得我點睇你根本唔重要, 重要的是總會有人懂得欣賞你
我唔想講你有咩唔好, 因為我唔想說出傷害的話, 更何況我看為不好的, 唔代表o係其他人眼中都是不好的.
我唔想講你有咩唔好, 因為講o左出o黎我會好唔鍾意自己, 我過唔到自己o個關
你話未試過點知會唔夾, 仲問點解唔可以俾個機會俾大家
你話我好識得care人, 好細心
你話兩個人o係埋一齊都係互相包容, 仲話你能夠包容我所有的缺點
你話我可以感化你, 帶你信主, 你依家仲未有宗教, 係完全無問題
你話好清楚我o既脾氣, 你以前o既女朋友d脾氣俾我更差都頂得順
你話只要我肯講出你有咩唔合我心意, 你都會為我改
你話你唔會迫我追車跑步
你話你唔會阻止我返教會, 仲話陪我返埋都仲得
你話: "但係我真係鍾意你ar ma"
你話其他人點睇你根本唔重要, 因為你只在乎我點睇你
你話我唔講出o黎的話你就唔心息
你話我可以唔鍾意你, 但就千唔好唔鍾意自己, 因為你會心痛
你問我點解要俾宗教框住自己...
點解......
點解你由頭到尾都要咁遷就我......
我真係唔值ga......
班上有七十幾個女同學, 大把人比我更溫柔體貼.
你今日如此鍾意我, 但好快你就可以唔再鍾意我, 只要你將我每一個缺點都放到好大
然後你就會發現我真的不太討好
結果...
你還是唔死心......
到最終我都要話俾你知:
過了這麼多年, 我到依家都唔能夠放低佢. 縱然對方什麼都沒給過我, 我亦都無跟對方表白, 但我就是...放唔低.
到今時今日, 我仍然會見到佢開心我就開心; 見到佢唔開心我就同佢一樣會唔開心
好想佢笑, 好想見番佢以前charming的一面.
我唔能夠一方面緊張佢時, 另一方面卻跟你在一起. 這對你太唔公平la
你靜默無言... 然後你問:
咁我等到你唔再記掛住佢la...
o酉氣la... 我講o左四年話要放低佢, 放到家陣都仲未放得低ar......
你問我有否對你有好感
那當然有la! 我係一個好易感動的人, 你這麼寵我, 我又怎會不曾對你有好感呢??
但你要明白------ 兩個人互相有好感係並不代表要o係埋一齊的...
"我好treasure你呢個朋友, 以前approach我o既人我都可以好狠咁reject佢o地, 但我好唔想咁樣對你... 我想你對我好似朋友咁, 好似"朋友"咁就得ga la... 唔駛對我特別好ga, 可以嗎...?"
"........我唔可以應承你.. 因為我知我自己一定keep唔到promise. 我唔想呃你......"
......................................
文章定位：
