o係ACC o既日子當係休息, 因為無咩特別o野要做.
日日睇o既科都唔同, 會有血科, 泌尿科, 遺傳科, 普通科...etc. 我o地通常都係stay o係room 1A, 按唔同科o既需要幫病人度高, 磅重, 量血壓, 驗尿. 又會收下specimen, 幫d父母check下仲有幾多個到佢o地個小朋友睇. 一係就無o野做, 一係就成堆人一次過o黎, 人多時驗同埋take BP最亂, 因為同時會有幾枝test 遞俾你, 睇都睇唔切; d BP cuff 又要因番小朋友d手仔而轉大轉細. 不過得閒時真係可以好得閒, 得閒到可以睇老夫子...:p
簡中我o地都會入clinic幫手叫名, 睇下醫生有咩要用o既, 好似玩具, 積木, 咁我o地又會幫手攞. 另外就係"借眼", 通常男醫生要女patient瞓上床exam時, 都會搵姑娘"借眼", 意即有個姑娘witness整個過程, 咁有咩事上o黎d patient complain 醫生sexual harassment, 都有個姑娘做證, 證明醫生無亂摸.
最記得有次, 李醫生行過, 話要借眼, 咁我當然跟住佢入clinic la. 入到去, 鎖門, 擰轉落screen o個陣, 就發現瞓o係床上o既係一位------少年人......(男的) 即時已經心生疑問: 點解exam男patient都要"借眼"呢...? 呢頭o係o度諗, o個頭個醫生就叫個病人:"解開條褲"
............ 心裡面不禁o係o度滴汗......*________*""
然後個醫生同個病人講:"除埋條內褲"
............ 心裡面 O 咀...(因為無戴mask, 所以唔可以O出o黎...)
結果全程就望住個醫生對手o係o度exam 那少年的testes... @______@
一出clinic, 我就同阿雯講:"我頭先借眼......個patient係個男仔, 十幾歲...ga law...我到底...點解要入去借眼ga...???"
都唔知係唔係個醫生整鬼我... 之後有次放工時見到李醫生返工, 著緊便服, 我向佢點點頭, 叫o左聲"醫生", 佢由向我點點頭. angel o係隔離問我同個醫生係咪好熟, 我話唔係, 只係...
我一定記得個醫生個名--- 李國偉...Dr. KW Lee ~____~
同angel講番件事, 佢聽完之後就o係o度大笑, 佢同我講:"可能個醫生係gay o既, 驚俾人誤會掛~~哈哈~~" 唉~ 睇佢有點兒娘娘腔的, 都似係ga la...嘩哈哈~~~ :p
除o左借眼, 仲有幫手settle down d 小朋友, 有時抽血d小朋友會o係o度掙扎, 特別係d big boy, 分分鐘要叫五, 六個人按手按腳的按實個小朋友, 哭聲震耳欲聾, 好不駭人. 不過通常都係d 阿姐+EN+"卵子"(相中的男同學)做的, 我o地三個女仔唔駛按, 不過可以o既就會用毛公仔氹佢o地, 分散下佢o地o既注意力. 同小朋友講有公仔陪住, 唔駛驚, 又或者叫佢o地揸住隻公仔, 有公仔同佢一齊會無咁痛~ 當然la~ 有d小朋友都已經嚇到癲o左, 聽唔到你講咩, 所以公仔都唔係次次得. 另外仲會有貼紙引佢o地, 話乖乖o地抽完會有貼紙獎, 只是... d貼紙...係唔靚ga, 俾我都唔會"上檔"ga law...^^;
有次有個小朋友好百厭, 醫生問症時o係o度走去我o地o既corridor o度, 成日唔見人, 於是我就過去, 企o係醫生後面撩佢玩, 等佢唔走得遠. and then 醫生叫佢行幾步, 我見佢行得唔係好穩, 於是踎低準備接住佢, 哈~ 佢好叻仔ar~ 行到過o黎我o個o度~ 我攬住佢然後用隻企鵝公仔鍚佢面珠~ 話:"企鵝仔鍚你一啖wor~"
and then 佢又用佢手上隻企鵝仔鍚我, 跟住用佢把超可愛o既聲線說:"嘻嘻~ 企鵝仔都鍚你~~~~"
嘩~~~~ 聽到我耳仔都酥o酉~~~ ~^.^~ 個小朋友好得意, 好可愛啊~~~~~^3^ 搞到我忍唔住抱起佢o黎玩, 等到佢走先俾番俾佢媽咪~^^
返ACC時我會帶定個hellokitty mini搖鈴(plastic), 等d bb磅重前換片時distract佢o地, 因為佢o地有d換片時會喊. 不過每幫d bb度高都好得人驚, 佢o地度高係瞓o係o度度的, 個scale一拉時, 總係會"格嗱格嗱"聲, 嚇死d bb, 佢o地肯定以為自己上o左"斷頭台"... 所以通常佢o地都係會喊, 會掙扎.
睇遺傳科o個日會見到好多physically/mentally有問題o既小朋友, 見到d爸爸媽媽好悉心咁照顧佢o地o既小朋友, 又抬又抱個小朋友/大d o既兒童, 都毫無怨言, 我睇到打從心底佩服佢o地~~~
有時我都會問自己, 若然我o既小朋友有d咩disability 又或者有down’s syndrome, 我都唔知可唔可以好似o個d媽媽咁, 繼續無微不致地照顧個小朋友......
文章定位：
