A4 d miss 雖然係難頂, 但我就好享受同病人相處的日子. A4 ward分o左三條街, 我同姑姑, paech一人各負責一條, 四個星期都係咁, 所以provide patient-centred care會好d, 因為會好熟d patient.
miss L(化名) 係一個retired o既小學英文老師. 我仲好記得第一次同談話o既情況.
當時佢o岩o岩o係OT 返o黎, 要close observation, on PCA 機, 要Q1H. 第一次幫佢量血壓, 佢就好無奈咁同我講:"唉~! 真係陰公! 我教書教o左四十年, 從來都無鬧過我d學生~ 今次入o黎做手術, 俾手術室d姑娘係咁鬧~ 仲用埋粗口~! 嘩~~ 真係攞膽!!" 我一聽到佢話俾姑娘用粗口鬧, 即刻問佢:"真係ga? 真係好粗口鬧ar?"
miss L話:"係ar! 我都嚇死, 俾佢鬧得好悽涼ar~" 於是我問佢仲有無唔開心, 然後同佢guarantee呢o度d姑娘唔會鬧人(我無講大話ga, 因為當日on duty d miss 個個都好好人, 衰o個d...第二日先返...). take完BP, 臨走miss L話我好好人.
因為我一向都好敬重d老師, 所以我都幾錫miss L, 雖然佢retired, 但我都叫佢做"miss". 而其他病人通常都係淨叫名(唔叫埋姓, 親切d~).
過o左兩日, miss L 問我攞電話號碼, 話出o左院要搵我飲茶~ 哈~ 我勁冧~ 不過我當然係無俾佢la~ 唔可以ga~~~>.< 同一日, 我過peach o個條街幫"齊天大聖"換床單&衫, 同佢傾傾下偈, 佢又向我o地要電話號碼, 話出院後要請我o地飲茶, 原因係佢話我o地"好照佢"wor~~ 哈~ 笑到我同peach死~^^ 當然都係無俾佢la~ 不過...俾o左都無用, 因為...
佢一個星期後情況急轉直下, 終於o係ward o度過o左身...... 佢過身o個日係weekend, 我同peach都同唔到佢做last office... 有d... 遺憾...... 仲要聽番d miss講, 佢就快過身o個日, d relatives o黎o酉, 但d仔好似好想"齊天大聖"快d死咁, 係咁問d miss"我阿媽幾時先去?", 激死d miss~! 佢o地都話d仔咁問, 簡直係"離o酉譜!"......
其實take BP真係一個同病人傾偈o既好時間. 有次take BP, 見到隔離床個patient(四十幾歲)喊, 因為佢本身條sacrum有事, 起身坐底都會好痛. 當時我以為佢係痛到喊, 於是就問佢係唔係好痛, 不過佢擰頭. 然後我又問佢係咪唔開心, 佢又擰頭. 問佢有無o野想同我講, 佢都係擰頭. 最後我同佢take 埋BP, 就話俾佢聽, 如果有o野想同我講的話, 可以叫我.
轉頭再番去幫佢隔離床o既patient retake BP 時, 佢突然開口說:
"頭先我個朋友o黎, 俾o左一千蚊我..." 然後佢又開始喊. 我即刻放低手頭上o既o野, 然後行去佢床邊聽佢講. 原來佢個朋友都有重病, 要長期食藥, 且每個月都花費唔少o係d藥o度, 對方每個月只靠四千幾蚊綜援過日子. 今次對方一知道佢要入院做手術, 又要住院, 於是死慳死抵咁留一千蚊俾佢. 個病人唔係因為痛/唔開心而喊, 而係因為佢太感動...... 我聽完之後都好感動, 我同佢分享番以前身邊d朋友o係經濟上支持我時, 我都好感動. 然後我同佢講, 叫佢要快d好番, 食多啖粥(佢成日唔食o野), 咁就可以快d出院, 報答番個朋友.
身邊有個咁鍚自己o既朋友, 係好幸福ga~ 我都好替佢開心~
又有一次take BP, 睇到個病人牌板上o既名,就忍唔住問個婆婆:
"你叫’珍珠’ar??" 珍珠答:"係ar~" 我繼續說:"嘩~ 你個名好靚ar~" 珍珠笑說:"唔係~ 我阿爸阿媽無讀過書, 唔識字, 求其改的~" 我同佢講:"梗係唔係la~ 你爸爸媽媽叫你做’珍珠’, 意即當你係佢o地 o既’掌上明珠’ar~~" 珍珠一聽到我咁講, 就笑得好開心~^0^
哈哈~ 我最鍾意見到d病人笑~ 開心d, 人都快d好ar ma~~^.^
(待續)
文章定位：
