今朝上堂, 好多同學"例排", "老溤"地遲到. 當有幾個同學o係o度簽late registry時, NE sophia終於都忍不住質問其中一個男同學為何遲到, 又說了幾句佢想講好耐o既o野, 係關於d人成日遲到的問題. 怎料"有人"遲到仲o係o度聲大夾惡, 返seat時又黑面(及後對方話自己個樣唔出聲時成日都俾人話"串", 所以頭先無刻意俾面色NE 睇wor~ well, 係人都睇得出佢o個下唔係"唔出聲", 而係"態度極差"law~!). sophia一路望住對方返seat, 又眼見8.30am o既lecture, 到8.45am都仲有人o係o度簽registry, 結果發起火上o黎,
首先係掟粉筆, 繼而掟埋身上o既咪, 最後奪門而出.
幸好有兩個class rep毫不猶豫咁追出去安撫miss.
miss一走, d人就開始o係o度你一言, 我一語, 怎料有人仲好似唔係人咁, o係o度嬉笑!?! frankly, miss掟咪o個下, 我係十分之support, 仲好理解law. 今次只係導火線, 我覺得做老師o既唔可以對d學生下下咁縱容落去, 更何況係一班已成年o既學生. 但support o既同時, 亦感到很是悲哀...
記得o係我生命中, 第一個為我班而喊的老師, 係小四o既班主任------miss wai. 當時我班d discipline係全級之冠---出名差! 有日miss o係o度訓話時, 一時氣結, 結果喊o左出o黎. 那次是我第一次見到有老師o係學生面前喊. miss wai一喊, 就走o左出班房. 之後o個堂是怎樣過, 我也不記得了, 但我記得當時我見到老師喊, 自己也在位上開始喊, 喊係因為內疚. 說實在, 我一向都頗乖, 只是未至於成績特別出眾的, 但miss wai特別疼我, 而我亦很喜歡miss wai, 我眼見自己喜歡的老師傷心, 不禁感到很痛心, 雖然我d discipline一向都無問題, 但就不知為何會感到很內疚... 到lunch時, 因為那是全日制小學, d同學要不就是訂飯, 要不就是家人送飯來, 然後一齊o係班房食. 平日班主全都會跟全班一齊食的, 但那天miss wai一人走到班房外食lunch, 剩下我們全班o係班房食. 我見情況咁僵, 於是走o左出去同miss wai講:"不如入o黎一齊食ar?" 但miss wai refused, and then我問佢我可唔可以出o黎同佢一齊食, 佢話好. 結果那天只有我跟miss wai在班房外, 靠著石欄食午餐.
依稀記得miss wai食飯時問我:"頭先...有無嚇親你...?"
繼miss wai之後, 還有小四英文科老師miss tam, 小五班主任藍老師, 同埋中二班主任miss Li. miss tam喊係因為我o地有次dictation成績強差人意(其實主因係d 默書成績不斷退步, miss放學同我o地補課都係咁), miss lam喊就又係因為我o地discipline差, miss li就因為我o地成日都好遲先交功課(真係遲得離o酉譜的).
有番咁上下戀愛經驗的人都會深明"男人不該讓女人流淚"這個道理; 而讀書讀o左十六年多的我, 亦領悟到一個道理:
------學生亦不該讓老師流淚------
老師將自己有的知識授予學生, 為了讓學生o係知識品格上有增長, 有人會認為老師咁做係"應份", 因為老師都有salary. 但又有無人諗過, 做學生o既, "守時", "聽書", "唔影響課堂秩序", "尊重老師"等, 係"應份"的事呢? 知道過後, 又有多少人真正去做好"自己的份內事"呢?
小學生激喊老師, 可以說他們年幼無知, 不懂分輕重, 不懂appreciate老師所作的一切; 中學生激喊老師簡直係一種SHAME, 會受到知情老師的冷眼; 離開了中學, 作為大專生, 作為一個成人, 也竟然會做出激喊老師這等行為, 簡直係ridiculous! 姑勿論你係咪一個學生, 作為成人o既, "守時"根本就係一種好基本o既requirement, 係一種"norms", 更何況作為一個護士(學生), 怎麼可能遲到得如此離譜!?! 返學遲到; 約o左朋友又遲到, 要人等, 家陣你估係"老溤"ga!?!
雖然無奈地"respect/consideration"唔係個個都懂, 但being a student nurse, 唔當NE係miss, 當佢係一個同行, 一個colleague, 什至係一個普通人, 也埋應給予respect & consideration law. 上堂唔聽書, 食o野, 瞓覺, 聽歌, 唔嘈的話, 我個人認為都可以接受, 因為損失的是自己而已, 更何況真係唔係個個講書都生動有趣, 坐o係位幾個鐘唔俾走, 係十分之悶的. 但遲到, 上堂講電話就真係好離譜! 試想將來返工, 你遲成個鐘先返工, 要同你交更o個個同事有幾慘!? 家陣人o地做埋你o個份係"奉旨"ga!?!
成日遲到的人根本就o係o度剝削人o地o既時間, 亦是十分之自私的. 人生無幾多個"十五分鐘", 亦無幾多個"三十分鐘"的, 就算有, 都唔係咁樣俾你o地浪費. 同朋友出街, 等你姍姍來遲, 亦唔係"老溤"的, 之前我o係xanga o度講過, "體諒"唔等於"縱容", "體諒"和"縱容"往往都是一線之差的. "朋友"絕對唔係咁做ga law.
那次有人回應, 話"都係視乎情況". 無錯, 係要視乎情況, 但老實講句, 班上那些"成日"遲到的人, 他們的"理由"從來都不是"理由"law.
係對對方好的, 就不會願意讓對方一而再, 再而三咁等下去, o係o度浪費光陰; 正如當你約了男朋友/女朋友出街拍拖時, 你也不會捨得對方等你這麼久, 因為你
看重對方.
文章定位：
