9/5/05-12/5/05都無覺好瞓...
(9/5/2005, mon): socio presentation過後, 就要開始做clinical micro bio(CM)o既assignment. 我想話呢, 份o野要寫1000字, deadline係------"聽日" law~~!@.@ 8.30pm開始睇書, 睇到10pm開始打. (特別鳴謝sean之前幫我借o左兩本厚到"O" 嘴o既CM書.) 打到3am先有得瞓...
(10/5/2005, tue): 返學 --------精神委靡---------
夜晚uncle paul毫無先兆, 電話都無個就帶o左穎宜上o黎. 成家都無人得閒&有精神去應酬佢law. 我前一晚已經無覺好瞓, 個頭勁痛, 佢個囡仲要一上到o黎, 入o左門口唔夠三尺, 就死命o係o度喊...... 想點先... 次次都係咁...~"~ 成歲幾, 到依家連人都唔識叫一聲, 見到人又下下o係o度喊, 玩o野咩~
不過算la, 小朋友好sensitive, 識得分邊d人鍾意自己, 邊d人唔鍾意自己. 我都好老實唔瞞佢, 所以無刻意逗佢玩. 結果不消五分鐘, uncle paul就"知難而退". 關上門後, 我同阿媽你眼望我眼, 然後一齊講o左句:
"真係玩o野..."
~____________________~
(11/5/2005, wed): 今晚又搏命做assignment, 今次係HB(human biology). 真係難頂, 得o個十幾個points, 都唔知點嘔1200-1500字俾佢, 我都未試過做assignment做得咁悽涼, 咁悲哀, 竟然要成日click去"字數統計", 睇下夠字數未... 我打到600字已經打完我想打o既o野la~ 其實份assignment fri先deadline, 但因為fri day off, 我唔想特登返學校交, 所以要趕o係thur(聽日)交. 結果由九點做到3.15am, 打o左1081個字, 受不了, 對眼快要盲, totally BC(brain constipation), 於是走o左去瞓.
(12/5/2005, thur): 今日係護士日, 返到學校, 趁個long break, d同學去rehearsal(扮florence nightingale, 攞住燈, o係m block做---reception~!~.~""), 就打多百幾個字落份assignment o度, print出o黎交o左就算. 已經唔想, 亦無力去理會份o野la~
夜晚, 阿爸腸胃炎, 嘔到七彩, 結果由我call白車, 兼陪佢去QE A&E. o係車o度同三個救護員叔叔傾偈, 哈哈~ 大家"同行(行業)"ma~ :p 嘩~~ d 救護員真係好~~~ 大~~~隻ar~!*0* 十點去到QE, 估唔到今朝先o係qe走, 家陣又返番o黎... 阿爸嘔到severe dehydration, 仲諗住佢要o係醫院瞓一晚, 點知個靚女醫生(真係好靚女~)話打枝止嘔針, 吊完包NS(盬水)就走得. 結果一吊, 就吊o左兩個幾, 三個鐘... 我寧願佢住一晚院仲好, 咁我就唔駛等咁耐時, 阿爸又有覺好瞓(因為A&E好多雜聲, 阿爸瞓唔到). 幸好我之前趁白車未o黎時執定所有o野: 阿爸身份證, 病歷咭, 錢, 嘔吐袋數個, 水一枝, 藥油, 口罩數個, 消毒抹手液, 外套(father's & mine), 縮骨遮...最緊要係要帶小說同埋mp3, 如果唔係o個幾個鐘都唔知點捱~~~>.< 中途又走o左去ok買yogurt 食. and then見到有個人admit, 最終certify o左...... admit o個陣佢都已經無pulse, 無breath. CPR都無辦法...
到兩點幾阿爸包NS落完, 我見無人得閒off drip, 我就clamp o左個drip先, 之後同nurse講, 佢o黎clamp o個陣見到我已經clamp o左, 佢好似好surprise 咁~^^" 又等o左兩, 三個字先有人o黎幫阿爸off drip. 個nurse好似好論盡咁, off完之後整唔到張ominfix, 於是我話:"不如我幫一幫你ar..." 佢話:"好ar! 好ar!". 貼好張ominfix, 個nurse俾藥俾阿爸, 佢同我講d藥o個陣係咁o既:
"la, 呢d藥一日食三次, 隔6-8個鐘食. 呢隻係'lomotil', 呢隻係'holopan'..."
哈...我諗, 佢大概都知我係"同行"...^_______^;
搭的士返屋企, assist埋阿爸食藥, 都成三點幾. 幸好聽日唔駛返學ja...
四日裡面, 有三日都係三點幾先瞓, 我真係受不了. 都唔明點解dede可以成日都夜一夜先瞓, 仲要一日瞓得o個兩, 三個鐘...~.~??
~_______~zzzzZZZZ...
文章定位：
